De Vorsterman Bijbel

Dat .xxxvi. Ca.

1

⁺ENde die ouerste Princen der huysghesinnen vanden gheslachte der kinderen ^* Galaad) Machiers sone, die Manasses sone was, vanden gheslachte der kinderen Ioseph, die quamen ende spraken voor Moysen ende voor die hooftluyden vanden ouersten vaderen der kinderen van Israel, ende spraken,

+ A

* th. Gilead

2

Die HERE heeft v die onse heere zijt, gheboden, dat ghi dat lant tot een erfdeel deylen sult metten lote den kinderen van Israel. ^* Ende dat ghi) den dochteren ons broeders Salphaad sout geuen haer erfdeel dat die vader schuldich is te heffen,

* th. Ende ghi mijn heere hebt geboden door den Heere datmen

3

ist datse dan yemant wt een ander geslachte van Israel tot wijuen neemt so sal ons vaders erfdeel minder worden, ⁺ want al dat si hebben, sal totten erfdeel van dien gheslachte comen, daer si toe ghecomen zijn, Ende aldus wort onse erfdeel ghemindert.

+ B

[p. k7v]

4

Als dan nv dat gulden iaer, ^* dat is dat vijftichste, der verlossinghe coemt, so sullen worden verstroeyt die deelinghe des lots, ende die besittinghe der erffenisse vanden eenen gheslachte salt totten anderen gheslachte comen.)

* th. der kinderen van Israel coemt so sal haer erfdeel totten erfdeel des geslachtes comen daer si zijn also sal onse vaders erfdeel minderen, al wat si hebben.

5

Moyses antwoorde den kinderen van Israel, ende sprack door Gods beuel, Dat gheslachte van Iosephs kinderen heeft recht ghesproken,

6

Dit is die wet die die HEERE ghebiedt ouer Selphaads dochteren, ende spreect, ⁺ Laetse ten houwelijck nemen, soot hen belieft, alleen laetse houwen onder die gheslachten van haerder vaderen gheslachten,

+ C

7

op dat die erfdeelen der kinderen van Israel niet ghemengt en worden vanden eenen gheslachte op dandere. Want een yeghelijck man vanden kinderen van Israel sal ^* trouwen een huysvrouwe van sinen gheslachte ende maechschap,)

* th. aenhangen aen de erffenisse des geslachtes zijns vaders.

8

ende alle die dochteren die welcke erfdeelen besitten onder die gheslachten vanden kinderen van Israel, sullen te houwelijck nemen eenen van haerder vaderen gheslachte, ^* op dat die erffenisse blijue in dat maechschap der huysghesinnen,)

* the. op dat een yeghelijck onder die kinderen van Israel zijns vaders erfdeel behoude.

9

ende dat die gheslachten niet ghemenghet en worden, ^* Maer so sullen si blijuen,

* Maer een yeghelijc hange aen zijn erfdeel onder die geslachten der kinderen van Israel.

10

also si vanden HEERE onderscheyden zijn.)

Doen deden die dochteren Salphaad, ^* so hen beuolen was)

* the. Gelijc die Heere Moysi geboden hadde.

11

ende Maala, ende Therza, ende Egla, ende Melcha, ende Noa namen te houwelijck haers vaders broeders sonen,

12

vanden gheslachte der kinderen Manasse Iosephs sone, Also bleef haer erfdeel aen dat gheslachte ende huysghesinne haers vaders.

13

Dit zijn die gheboden ende rechten, die die HERE door Moyses hant gheboot den kinderen van Israel, op der Moabiten velt, aen die Iordane teghen Iericho.

§ Hier eyndet dat boeck Numerus, dat boeck des ghetaels der kinderen van Israel, dat vierde boeck Moysi.