De Vorsterman Bijbel

§ Dat .xxxiiij. Capittel.

1

⁺ENde die HEERE sprack tot Moysen seghende,

+ A

2

Gebiet den kinderen van Israel, ende segt hen, Als ghi int lant Canaan comet, so sal dlant, dat v tot eenen erfdeel valt int lant Canaan, zijn palen hebben,

3

⁺ Den hoec teghent zuyden sal beghinnen aen die woestine ^* Sin) die welcke bi Edom leet, dat uwe palen vant zuyden zijn vant eynde der souter zee die teghent oosten leyt,

+ § Zuyden.

* thebr. Zin

4

ende dat die palen reycken vanden zuyden, ^* op dat opclimmen des scorpioens) ende gaen door ^* Senna) ende sinen wtganc vanden zuyden aen tot Cades Berne ende reycke aen Hazor Adar, ende gae int rontsomme door Azmona,

* the. op tot Akrabim.

* th. Zinna

5

⁺ende comen van Azmona aen die beke van Egypten, ende deynde si aen die groote zee.

+ B

6

⁺ Ende die palen vanden westen sullen dese zijn, te weten, aen die groote zee te beghinnen, ende si sal die palen sluyten.

+ § Westen.

7

Die palen vanden noorden sullen dese zijn, ⁺ Ghi sult meten van aen die groote zee, tot ^* aen dalder hoochste geberchte,

+ § Noorden

* thebr. Hor aent gheberchte, ende van Hor aent

8

ende van dien) geberchte suldy meten, tot datmen coemt te Hemath, dat sinen wtghanc si die palen Sedada,

9

ende des seluen palen, sullen eynden te Sephron, ende zijn eynde sal zijn aen Hazor Enan

10

Dat sullen uwe palen zijn tegent noorden. Ende ghi sult meten die palen tegent oosten van HazorEnan tot Sepham, ⁺

+ § Oosten

11

die palen neder dalende van Sepham tot Ribla ^* tegen die fonteyne Dephane, daer af sullen si comen) tot Ain ten oosten waert, Daer na comen si af ende reycken op die side van der zee Chinereth teghen dat oosten,

* ten is niet int hebree.

12

ende comen af aen die Iordane, dat sinen wtganc si die soute zee, Dat sal v lant zijn met sinen palen alomme.

13

Ende Moyses geboot den kinderen van Israel ende sprac, Dat is dlant dat ghi metten lote onder v luyden deylen sult, dat welcke die HERE gheboden heeft, den neghen gheslachten, ende den haluen geslachte te geuen,

14

⁺Want dat geslachte van Rubens kinderen naer haerder vaderen huysgesinnen, Ende dat gheslachte van Gads kinderen naer haerder vaderen huysgesin, ende thalue gheslachte Manasse, hebben haer deel ontfaen.

+ C

15

Alsoo hebben die twee gheslachten, ende dat halue gheslachte [kolom] haer erfdeel wech, ouer dese side vander Iordanen teghen Iericho teghen dat Oosten.

16

⁺Ende die HEERE sprack tot Moysen seggende,

+ D

17

Dit zijn die namen der mannen, die v dat lant deylen sullen, Die priester Eleazar ende Iosue Nuns sone,

18

Ooc suldy nemen van elcken geslachte die hooftmannen, om dat lant te deylen,

19

Ende dier mannen namen zijn dese Caleb Iephunes sone vanden geslachte Iuda.

20

Samuel Amihud sone vanden gheslachte Simeons.

21

Eliadad Ciselons sone vanden geslachte BenIamin. ⁺

+ Iosue. iiij.

22

Bucki Iagli sone, die hooftman vanden geslachte der kinderen Dan

23

Haniel Ephads sone hooftman vanden gheslachte der kinderen Manasse, van Iosephs kinderen.

24

Kamuel, Sephtan sone, hooftman vanden gheslachte der kinderen Ephraim.

25

Elizaphan Pharnachs sone, hooftman vanden gheslachte der kinderen Sabulon.

26

Phalthiel Asans sone hooftman vanden geslachte der kinderen Isachar.

27

Abihud Solomi sone hooftman vanden gheslachte der kinderen Aser.

28

Phedael Amihuds sone, hooftman vanden gheslachte der kinderen Nephtali.

29

Dit zijn die ghene die de HEERE geboot, dat si die erue wtdeylen souden den kinderen van Israel, int lant Canaan.

§ Wat steden den Leuiten toegeuoecht werden, Ende van die vrysteden der toeulucht, Ende die wet des dootslaghers, Ende niemant te veroordeelen, door eens mans ghetuyge.