De Vorsterman Bijbel

§ Dat .xxv. Capittel.

1

⁺ENde Israel woonde in Sethim in dien tijt, ende dat volck beghonst te hoereren met der Moabiten dochteren, ⁺

+ A

+ Ios. xxij.d. Exo. xxxij.

2

die welcke dochteren nooden dat volck tot haerder goden offere, Ende tvolc adt met hen, ende aenbaden haer goden,

3

ende Israel ^* is gewijt tot) afgoderijen van Beelphegor, Doen wert die HEERE toornich ende gram, op Israel,

* th. onderworp hem der

4

ende sprack tot Moysen, Neemt alle die ouerste des volcs ^*, ende hangtse tegen de Sonne aen galgen) op dat die gramscap des HEREN van Israel gekeert worde,

* h. ende hangse den HERE tegen die Sonne

5

Ende Moy-[kolom]ses sprac totten rechteren van Israel eenyegelic doode zijn ^* naeste) die afgoderie gedaen hebben met ^* Beelphegor.)

* h. hooftluiden

* theb. BaalPeor.

6

⁺Ende siet, een man van Israel ginc in voor die kinderen van Israel, tot een vrouwe van Madian, ende lietet Moysi aensien, ende alle die ghemeynte der kinderen van Israel, die daer weenden voor die duere der tenten des getuychnis,

+ B

7

Doen Phinees Eleazar sone die Aarons des priesters sone was, dat sach, stont hi op vander gemeynten, ende nam een mes in zijn hant,

8

ende ghinc den Israelijtschen man na, tot in dat hoerhuys, ende doorstacse beyde, den Israelijtschen man, ende dat wijf, door haeren buyck, Doen hielt die plage op vanden kinderen van Israel,

9

Ende daer werden gedoot in die plage vierentwintich .m.

10

⁺Ende die HEERE sprac tot Moysen, seggende,

+ C

11

Phinees Eleasars sone Aarons des preesterssone, heeft mijn gramscap gekeert vanden kinderen van Israel, door zijn vreeschelike liefde tegen mi, onder hen, dat ick niet in mijnder vreescheliker liefden, de kinderen van Israel te niete en doe,

12

Daerom segt hem, Siet, Ic geue hem mijn verbont des vredes,

13

ende hi sal hebben, ende zijn zaet na hem, dat verbont eens eewichs priesterdoms, om dat hi voor sinen God, met vreeschelijcker liefden beroert is geweest, ende hi die sonde der kinderen van Israel versoent heeft.

14

⁺Ende die Israelijtsche man die verslaghen wert met dat wijf van Madian hiet ^* Zambri die sone Salumi) een hooftman des huis van den gheslachte der Simeoniten,

+ D

* th. Simri Salu sone

15

Dat wijf van Madian die oock verslagen wert hiet Cosbi Zur dochter, die een ouerste der luyden was in dat geslachte der Madianiten

16

Ende die HEERE sprac tot Moysen, seggende,

17

Laet die Madianiten geuoelen, dat ghi haer vianden zijt, ende slaetse doot,

18

Want si hebben v leet ghedaen met haeren liste, dien si v gestelt hebben door den afgod ^* Phogor) ende door haer suster Cosbi, die dochtere des hooftmans der Madianiten, die verslagen is inden daghe der plaghen om ^* sacrilegie Phogor.)

* theb. Peor

* the. Peors wille, ende die nauolgende plage

§ Hoe dat die kinderen van Israel weder getelt werden, naer Godts woordt, ende hoe datter ouerghebleuen was, neit dan slaleb ende Iosue.