De Vorsterman Bijbel

§ Dat .xxvi. Capittel.

1

DIe HEERE sprack tot Moysen ende Eleazar des priesters Aarons sone,

2

⁺Telt die somme van alle de gemeynte der kinderen van Israel, van twintich iaren ende daer ouer, naer haerder vaderen huysen, alle die int heyr trecken mogen in Israel,

+ A

3

Ende Moy-

[p. k2r]

ses sprack, ende Eleazar die Priester int velt der Moabiten, dat aen den Iordaen leyt, teghen Hiericho,

4

tot hen die twintich iaer oudt waren ende daer ouer, so die HEERE Moysi gheboden hadde, ende den kinderen van Israel, die wt Egypten ghetrocken waren, ^* waer af dit tghetal is.)

* ten is niet int heb.

5

⁺ Ruben die eerste gheboren van Israel, Ende Rubens kinderen waren ^* Enoch) vanden welcken is ghecomen, dat gheslachte der Enochiten. Phallu, vanden welcken dat gheslachte der Phalluiten ghecomen is.

+ Ge. xlv.b. Exo. vi.b.

* h. Hanoch

6

Hezrom van welcken is ghecomen dat gheslachte der Hezroniten. Charmi, van welcken is ghecomen dat gheslachte der Charmiten.

7

Dat zijn die geslachten der Rubeten, Ende haerder ghetal was .xliij. duysent .vij. c. ende .xxx.

8

Maer Phallu kinderen waren, Eliab,

9

ende Eliabs kinderen waren ^* Namuel) ende Dathan, ende Abiron.

⁺ Dit is die Dathan ende Abiron die vermaerde der ghemeynten, die teghen Moysen ende Aaron opstonden in die tweedrachticheyt Kore, doen si teghen den HEERE opstonden,

* h. Nemuel

+ B

10

ende die aerde haeren mont open dede, ende verslindese met Kore, ende daer sterffer vele, doen dat vier twee hondert ende vijftich mannen verslinde ^* Ende een groot wonderlijck teeken is daer geschiet,

* th. Ende waren tot eenen teeken, Maer Kore kinderen en storuen niet.

11

dat als Kore verginck, zijn kinderen niet mede en storuen.)

12

Simeons kinderen in haeren gheslachten waren ^* Namuel,) daer afcoemt dat gheslachte der Namueliten. Iamin, daer afcoemt dat gheslachte der Iaminiten. Iachin, daer afcoemt dat gheslachte der Iacheniten.

* h. Nemuel

13

Serach, daer afcoemt dat gheslachte der Serahitan. Saul, daer afcoemt dat geslachte der Sauliten.

14

Dat zijn de gheslachten des gheslachts der Simeoniten, waer af al tghetal was tweentwintich duysent ende .cc.

15

⁺Gad kinderen in haeren gheslachten waren, Zephon, daer af coemt dat gheslachte der Zephoniten. Haggi, daer af coemt dat gheslachte der Haggiten. Suni, daer af coemt dat gheslachte der Suniten.

+ C

16

Oseni, daer af coemt dat gheslachte der Oseniten. Heri, daer af coemt dat gheslachte der Heriten.

17

Arod, daer af coemt dat geslachte der Aroditen. Ariel, daer af coemt dat gheslachte der Arieliten.

18

Dat zijn die huysghesinnen van Gad kinderen, haerder ghetal was veertich duysent, ende vijfhondert.

19

Iuda kinderen Her ende Onan, die welcke beyde storuen int lant Canaan,

20

Ende daer waren ooc Iuda kinderen in haeren gheslachten, [kolom] Sela, daer af coemt dat gheslachte der Selaniten. ^* Pharez,) daer af coemt dat gheslachte der Phareziten. Sareh, daer af coemt dat gheslachte der Sarahiten.

* the. Perez.

21

Ende Pherez kinderen waren Hezrom, daer af coemt dat gheslachte der Hezroniten. Hamul, daer af coemt dat gheslachte der Hamuliten.

22

Dat zijn Iuda gheslachten, haerder ghetal was lxxvi. duysent, ende vijfhondert.

23

Isachars kinderen in haeren gheslachten waren Thola, daer af coemt dat gheslachte der Thoaliten. Phuwa, daer af coemt dat gheslachte der Phuwaiten.

24

Iasub, daer af coemt dat gheslachte der Iasubiten. Semron daer af coemt dat gheslachte der Semroniten.

25

Dat zijn Isachars gheslachten, inden ghetale .lxiiij. duysent, drie hondert.

26

Sabulon kinderen in haeren gheslachten waren, Sared, daer af coemt dat gheslachte der Sarditen. ⁺ Helon, daer af coemt dat gheslachte der Heloniten. Iahelel, daer af coemt dat gheslachte der Iaheliten.

+ D

27

Dat zijn Sabulons gheslachten, inden ghetale sestich duysent ende vijfhondert.

28

Iosephs kinderen in haeren gheslachten waren Manasse ende Ephraim,

29

ende die kinderen van Manasse waren Machir, daer af coemt dat gheslachte der Machiriten. Machir wan oock Galaad, daer af coemt dat gheslachte der Galaaditen.

30

Ende dit zijn Galaads kinderen Hieser, daer af coemt dat gheslachte der Hieseriten. Heleh, daer af coemt dat gheslachte der Helekiten.

31

Asriel, daer af coemt dat gheslachte der Asrieliten Sichem, daer af coemt dat gheslachte der Sichimiten.

32

Semida, daer af coemt dat gheslachte der Semiditen. Hepher, daer af coemt dat gheslachte der Hepheriten,

33

Ende Hepher was die vader van Zelphaad, die en hadde gheen sonen, maer hadde dochteren, die hieten Mahala, Noa, Hegla, Melcha, ende Therza.

34

Dat zijn Manasse gheslachten, inden ghetale .lij. duysent ende .vij. hondert.

35

Ephraim kinderen in haeren gheslachten waren Suthalah, daer af coemt dat geslachte der Suthelahiten. Becher, daer af coemt dat geslachte der Becheriten. ^* Thaen,) daer af coemt dat gheslachte der Thahaniten.

* th. Thahan

36

Suthalah kinderen waren Heren, daer af coemt dat gheslachte der Hereaniten

37

Dat zijn die gheslachten der kinderen van Ephraim inden ghetale .xxxij. m. ende .v. hondert.

38

Dat zijn Iosephs kinderen in haeren gheslachten.

⁺ BenIamin kinderen in haeren gheslachte waren ^* Bale,) daer af coemt dat geslachte

+ E

* the. Bela.

[p. k2v]

der Baleiten. Asbel, daer af coemt dat gheslachte der Asbeliten. Ahiram, daer af coemt dat gheslachte der Ahiramiten.

39

Suphan, daer af coemt dat gheslachte der Suphamiten. Hupham, daer af coemt dat gheslachte der Huphamiten.

40

Ende ^* Bale) kinderen waren dese Hered ende Naeman, daer af coemt dat gheslachte der Herediten ende Naemiten.

* th. Bela.

41

Dat zijn BenIamins kinderen in haeren gheslachten, inden ghetale .xlv. m. ende .vi. hondert.

42

Die kinderen Dan in haeren gheslachten waren Suham, daer af coemt dat gheslachte der Suhamiten. Dat zijn die gheslachten Dan, in haeren gheslachten,

43

Het waren alle Suhamiten, ende waren alle te samen inden ghetale .lxiiij. duysent, ende vier hondert.

44

Aser kinderen in haeren gheslachten waren Iemna, daer af coemt dat geslachte der Iemniten. Ieswi, daer af coemt dat gheslachte der Ieswiten. Bria, daer af coemt dat gheslachte der Brijten.

45

Ende Bria kinderen waren Heber, daer af coemt dat geslachte der Hebriten. Melchiel, daer af coemt dat gheslachte der Melchieliten.

46

Ende Asers dochter hiet Sara.

47

Dat zijn die gheslachten der kinderen van Aser, inden ghetale, drienvijftich duysent, ende vier hondert.

48

⁺Nephtali kinderen in haeren gheslachten waren, Iahezel, daer af coemt dat gheslachte der Iahezeliten. Guni, daer af coemt dat gheslachte der Guniten.

+ F

49

Iezer, daer af coemt dat gheslachte der Iezeriten. Sellem, daer af coemt dat gheslachte der Sellemiten.

50

Dat zijn die gheslachten der kinderen Nephtali, in haeren gheslachten, inden ghetale vijfenueertich duysent ende vier hondert.

51

⁺ Dat is die somme vanden kinderen van Israel, ses mael hondert duysent, een duysent, seuen hondert, ende dertich.

+ Tghetal der kinderen van Israel teghen Ierico ouer ghetelt.

52

Ende die HEERE sprack tot Moysen, segghende.

53

Desen salmen dat lant wtdeylen, tot een erfgoet, na den ghetale der mannen

54

den meesten suldy dat meeste deel gheuen tot een erfgoet, ende den minsten dat minste, yeghelijken salmen geuen na haeren ghetale, so si nv ghetelt zijn,

55

Also nochtans, datmen metten lote deylen sal dat lant, Na den namen der gheslachten haerder vaderen sullen si erue ontfaen,

56

want na den lote suldy hen erue wtdeylen, tusschen den meesten ende den minsten

57

⁺Ende dit is die somme der Leuiten in haeren gheslachten. ⁺ Gerson, daer af coemt dat gheslachte der Gersoniten. Kahath, daer af coemt dat gheslachte der Kahathiten. Merari, daer af coemt dat gheslachte der Merariten. [kolom]

+ G

+ Exo. vi.c.

58

Dit zijn die gheslachten Leui, dat gheslachte der Libniten, dat gheslachte der Hebroniten, dat gheslachte der Maheliten, dat gheslacht der Musiten, dat gheslacht der Koriten

Kahath wan Amram,

59

ende Amrams wijf hiet Iochebed, een dochter van Leui, die hem gheboren wert in Egypten, ende si baerde Amram haeren manne Aaron, ende Moysen, ende ^* Mariam) haer suster,

* h. MirIam

60

Ende van Aaron werden gheboren Nadab, Abihu, Eleazer ende Ithamar.

61

Nadab ende Abihu storuen, doen si vremt vyer offerden voor den HEERE,

62

Ende haer somme van dier ghetelt waren was .xxiij. duysent, ⁺ alle mans personen van vijf maenden ende daer ouer, Want si en werden niet ghetelt onder die kinderen van Israel, Want men en ghaf hen gheen erue, onder den kinderen van Israel.

+ Der Leuiten getal.

63

Dit is die somme der kinderen van Israel die Moyses ende Eleazar die Priestere telden inder Moabiten velt aen die Iordane, tegen Iericho.

64

Onder welcken niet een en was vander sommen der gheenre die Moyses ende Aaron die Priester telden onder die kinderen van Israel in die woestyne Sinai,

65

Want die HERE hadde hen te voren gheseyt, si souden die doot steruen in die woestyne, Ende niemant en bleef daer ouer van hen luyden, sonder Caleb Iephune sone, ende Iosue Nuns sone.

§ Van die wet des erffelicheyts der dochteren Zalphaad. Ende hoe dat lant van beloften Moysi ghetoont wort, Ende Iosue een leytsman des volcs ghestelt wort.