De Vorsterman Bijbel

§ Dat .xvij Capittel.

1

⁺ENde die HEERE sprack tot Moysen segghende,

+ A

2

Spreect tot den kinderen van Israel, ende neemt twaelf roeden, van elcken hooftman van zijns vaders huys, een roede, ende schrijft eenyeghelijx naem op zijn roede,

3

Maer Aarons naem sal in Leui ^* geslachte wesen, Ende een roede sal houden alle haer huysgesinnen)

* theb. roede wesen, ende voor den hooftman harder vaders huys sal een roede wesen

4

Ende ghi sultse stellen inden tabernakel des verbonts voor tghetuyghenisse, daer ick tot v spreken sal,

5

Ende den welcken ick van desen kiesen sal, diens roede sal groen worden, Ick sal die murmuracie der kinderen van Israel stillen van mi met den welcken si teghen v murmureren.

6

⁺Ende Moyses sprack tot den kinderen van Israel, ende alle haer hooftluyden ghauen hem besonderlinghe roeden, eenyegelijck hooftman een roede naer elcken gheslachte, soo datter twaelf roeden waren, ^* behaluen Aarons roede)

+ B

* th. Ende Aarons roede was oock onder haere roeden.

7

Ende als Moyses die gheset hadde voor den HEERE in den tabernakule des verbonts,

8

Des anderen daechs weder comende heeft hi beuonden, dat Aarons roede in den huyse Leui, groeyende is geworden, ende met die opdringinge knoopen sprongen die bloemen die na den verbreyden bladeren, tot Amadelen ghewassen zijn,

9

Ende daeromme bracht Moyses voort alle de roeden, van den aensichte des HEEREN, voor [kolom] alle die kinderen van Israel, dat zijt sagen, ende eenyeghelijck nam zijn roede.

10

⁺Ende die HEERE sprack tot Moysen, Draecht Aarons roede weder inden tabernakel des getuychnis, dat si verwaert worde tot eenen teeken, den wederspannighen, kinderen, dat haer klaginge ruste van mi, dat si niet en steruen,

+ C

11

Moyses dedet so hem die HEERE geboden hadde,

12

Ende die kinderen van Israel spraken tot Moysen, Siet, Wi zijn vernielt, wi sullen alle verghaen, ende ghaen te nieute,

13

Wie datter totten tabernakel des HEEREN ghaet, die sterft, Sullen wy dan alle gheheel verghaen tot verslindinghe toe?

§ Vanden dienste der Leuiten, Vanden eersten vruchten ende thienden diemen den priesteren moeste gheuen.