De Vorsterman Bijbel

§ Dat .xij. Capittel.

1

ENde ^* Maria) ende Aaron spraken teghen Moysen om zijns wijfs wille die Morinne,

* the. Miriam.

2

⁺ende spraken, Spreect die HEERE alleen door Moysen? Spreect hi oock niet door ons? Ende als die HERE dat hoorde, is hi zeer toornich geweest,

+ A

3

Maer Moyses was een zeer saechtmoedich mensche, bouen alle menschen der aerden,

4

Ende haestelijck sprack die HEERE tot Moysen, ende Aaron, ende ^* Mariam) ghi luyden drie gaet wt totten Tabernakel des verbonts, ende als si alle drie wtghegaen waren.

* ehe. Miriam.

5

Doen quam die HERE af in een calomne des wolcs, ⁺ ende stont inden inganck des Tabernakels, ende riep Aaron, ende ^* Mariam,) ende als die twee wtghinghen,

+ B

* the. miriam.

6

seyde hi, hoort mijn woort, isser yemant onder v luyden een Propheet des HEEREN, dien sal ick openbaren in een ghesichte, [kolom] oft in eenen droom sal ick tot hem spreken,

7

Maer also en is niet mijn knecht Moyses, die in alle minen huyse ghetrouwe is,

8

mondelijck spreeck ick met hem, ende hi siet den HERE in zijnder ghedaente, niet door doncker woorden, oft ghelijckenissen, waeromme en hebdy dan niet gheureest, ^* achterclap van) minen knechte Moysi te spreken.

* th. teghen.

9

Ende die HEERE wert op hen gram, ⁺ ende ginck wech,

+ C

10

oock weeck die wolcke die bouen den Tabernakel was, ende siet, doen was ^* Maria) lazarich als snee, ende Aaron keerde hem tot ^* Mariam) ende sach dat si lazarich was,

* the. Miriam.

* the. Miriam.

11

ende sprac tot Moysen, Och mijn heere ick bidde v, en legt die sonde op ons niet, dat wi sottelijck ghedaen ende gesondicht hebben,

12

dat dese niet als een doode ^* ende als) een kint dat voor sinen tijt van zijnder moeder lichaem coemt, si, die lazarie heeft die helft haers vleeschs dus gheringhe verslint.

* the. als.

13

Moyses riep totten HEERE, segghende, ⁺ Och God ick bidde v, maectse ghesont,

+ D

14

Die HERE sprack tot Moysen, Waert dat haer vader haer int aenghesichte ghespoghen hadde, en soude si niet seuen daghen haer schamen? Laetse haer seuen daghen af scheyden buyten den leghere, daer na sal si weder gheroepen worden,

15

Also wert ^* Maria) seuen daghen ghesloten buyten den leghere, ende dat volck en trock niet voorder, tot dat Maria weder geroepen is geweest.

* the. Miriam.

§ Hoe dat volck van Israel wt die woestijne Pharan bespieders sant.