De Vorsterman Bijbel

§ Dat .xiiij. Capittel

1

⁺ENde die HERE sprac tot Moysen segghende, ⁺

+ A

+ Mat. viij.a Mar. i.a. Luce. v.c. ende. xvi.d

2

Dat is dye manier van eenen melaetschen, als hi gereynicht worden sal, Hi sal totten priestere geleyt worden,

3

Ende die priestere sal wten leghere ghaen, ende als hy beuonden sal hebben, dat dye melaetsheyt gesuyuert is,

4

Dan sal hi ghebieden den ghenen die te reynighen is, dat hy twee leuende ^* musschen) diemen eten mach, offeren sal voor hem seluen, ende cederen hout, ende roset verwe, ende ysop,

* th. vogelen

5

Ende hi sal ghebieden die een ^* mussche) te offeren in een aerden vat aenden leuenden watere,

* th. vogel

6

Ende sal die leuende ^* mussche) nemen met den cederen houte, roset verwe, ende ysop, ende in der ^* musschen) bloet dier geoffert is, doppen aenden leuenden watere,

* th. vogels

* th. vogel.

7

ende besprengen den ghenen die te reynighen is, van zijnder lazarien, seuenmael, op dat hi gerechtelick ghesuyuert worde, ende laten die leuende ^* mussche) int velt vry vlieghen.

* th. voghel

8

Ende als die mensche zijn cleederen ghewasschen sal hebben, soo sal hy alle zijn har afscheren, ende baden hem int water, ende ghesuyuert wesende, sal hi ghaen inden legher, soo nochtans dat hi sal noch seuen dagen buyten zijnder tenten blijuen,

9

Ende inden seuensten daghe sal hi alle zijn hare afsceren van sinen hoofde, vanden baerde, vanden wijnbrauwen, ende alle die haren zijns lichaems, ende als hi wederom zijn cleederen ende sinen lichaem sal gewassen hebben. ^*

* th. ende soo is hi suiuer

10

Ten achsten dage sal hi twee lammeren sonder smette, ende een iarich schaep sonder smette nemen, ende drie thiende bloemen vanden mele tot een spijsoffer, met olie ghemengt, ⁺ ende bisonder een sester maten vander olien,

+ B

11

Dan sal dye priestere desen ghesuyuerden, ende dye dinghen stellen voor den HEERE in dye duer des tabernakels des ghetuychnis,

12

ende sal dat een lam nemen ende offerent voor zijn schult met dat sester mate olien, ende als hijt al voor den HEERE ge^*offert) heeft,

* th. heuen

13

dat lam dooden om te offeren, daermen dat brantoffert, ende den offer om die sonden te offeren plach, te weten, in die heylige stede, Want so den offer voor die sonden des priesters is, so is ooc den offer der schult der versuymenisse des priesters, Want het is dat alderheylichste der heylighen. [kolom]

14

⁺Ende die priester sal vanden bloede nemen vanden offer die geoffert is voor die schult, ende doent den gesuyuerden op dat lapken vander rechter ooren, ende opten duym van zijnre rechter hant, ende opten grooten teen van sinen rechten voete,

+ C

15

Daer na sal hi die olie nemen van die sester mate, ende op zijns selfs des priesters slincke hant gieten,

16

ende met sinen rechten vingher in die olie doppen, dye daer in zijn slincke hant is, ende sprengen met sinen vingher die olie seuenmael voor den HEERE,

17

Die olie die daer ouerblijft in zijn hant sal hi den gereynichden op dat lapken van zijnder rechter ooren doen, ende opten rechten duym, ende opten groten teen van sinen rechten voet, bouen op dat bloet des offers, dat voor die schult der versuymenis geoffert is

18

^* ende op zijn hooft,)

* th. die ouerbliuende olie die in zijn hant is, sal hi op des gereinichden hooft doen

19

ende die priester sal voor hem bidden in die teghenwoordicheyt des HEREN, ende tsal worden een offerande voor die sonde, Daerna sal hi dooden ende offeren die offerande diemen geheel verbranden sal,

20

ende sal dat setten op den outaer met sinen vochtighen offeranden, ende soo sal die mensche gerechtelic gesuyuert worden.

21

Ist dat hi arm is, ende zijn handen niet en connen geuinden al datter geseyt is, voor zijn schult der versuymenisse, so sal hi een lam brengen om te offeren dat die priester voor hem bidde, een tiendendeel bloemen vanden meel met olien ghemengt tot een spijsoffer, ende een seste deel olien,

22

ende twee tortelduyuen oft ionge duyuen, die hi met zijnder hant verweruen can, dat eene si voor die sonde, die andere tot een brantoffer

23

ende offerense ten achsten dage van zijnder reyningen den priestere, voor die duere des tabernakels des ghetuyhnis voor den HERE,

24

⁺Dan sal die priestere dat lam der misdaet nemen, ende dat sester olien, ende salt op heffen voor den HERE

+ D

25

ende als dat lam gedoot ende geoffert is, nemen vanden bloede, ende doent den ghereynichden op dat lapken van zijnder rechter ooren, ende opten duym van zijnder rechter hant, ende opten grooten teen van sinen rechten voet,

26

ende die olie in zijn selfs slincker hant gieten,

27

ende met sinen rechten vingere, die olie die in zijn slincker hant is, seuenmael sprengen voor den HERE,

28

Datter ouerblijft in zijnder hant, dat sal hi den ghereynichden op dat lapken van zijnder rechter ooren, ende opten duym van zijnder rechter handt, ende opten grooten teen van sinen rechten voet doen, bouen op dat bloet des schultoffers,

29

dye ouerblijuende olie in zijnder hant, sal hi den gereinichden op dat hooft doen, hem te versoenen voor den HEERE,

30

ende daer na

[p. g4v]

sal hi dye een tortelduyue oft ionghe duyue offeren

31

voor die sonde, ende die andere tot eenen offer om te verbranden, met hueren vochtighen offerhanden, ^*

* the. Ende die priester sal alsoo den gesuyuerden versoenen voor den heere

32

Dat is dye wet voor den lazarighen, dye met zijnder hant nyet vercrighen en can, dat tot zijnder suyueringhen behoort.)

33

Ende die HEERE sprac tot Moysen, ende Aaron, segghende,

34

Als ghy int lant Canaan coemt, dat ic v te besitten gheuen sal, ende als daer yewaerts in eenen huyse van uwer besittinghen een lazarich teeken openbaert,

35

So sal die comen, dien dat huys toebehoort ende bootschappent den priestere, ende seggen, Mi dunct datter een lazarich teeken is aen mijnen huyse,

36

Dan sal dye priester heeten, dat si dat huys wtruymen, eer dan die priester daer ingaet, om dat teeken te besien, op dattet nyet al onreyn en worde datter in den huyse is, daer na sal die priester ingaen om dat teeken te besien.

37

⁺Als hi dat dan besiet, ende beuint dat daer aen dien muer des huys geel oft roode putkens zijn, ende die gedaente nederder dan dye muer anders is,

+ F

38

soo sal hi ten huyse ter dueren wtghaen, ende dat huys seuen dagen toe sluyten,

39

Ende als hi ten seuensten dage weder coemt, so sal hijt naerstelijc aensien, ende aenmercken, ende siet hy dat dye lazarie voorder ghewassen is, aen des huys wandt,

40

soo sal hi die steenen heeten wtbreken, daer dat teeken in is, ende buyten voor dye stadt in een onreyne plaetse worpen,

41

ende dat huys salmen binnen rontsom scrabben, ende sullen dat afghescrapte stof buyten voor die stadt in een onreyne plaetse schudden,

42

ende ander steenen nemen, ende in haer stede doen, ende ander leem nemen, ende dat huys besetten.

43

⁺Maer ist sake, dat na die steenen wt ghetrocken ende dat stof wt gedragen zijn, ende dat huys met anderen leem beset is,

+ G

44

dye priester daer in coemt, ende siet dye lazarien gewassen te zijn, ende wederom gecomen, ende die weghen ouerdect met smetten, so ist een geduerighe lasarie, ende thuys onsuyuer,

45

dat welcke si ter stont sullen af breken, steen ende houdt, ende alle stoffe die aenden huyse is, salmen buyten worpen wt die stadt, aen een onreyn plaetse

46

Ende wie dat in dat huys ghaet, alsoo langhe alst besloten is, dye is onreyn totten auont,

47

Ende wie daer inne leet, ofte yet daer inne eedt, die sal zijn cleederen wasschen.

48

Maer als die priester siet, als hy daer in gaet, dat die lazarie niet voorder aenden huyse ghewassen is, na dien dat huys bepla-[kolom]stert is, so sal hijt reynigen,

49

om dat hem zijn gesontheyt weder gegeuen is, ende in zijn zuyueringe sal hi nemen twee ^* musschen) cederen hout, ende roset verwe wolle, ende ysop,

* th. vogelen

50

ende den eenen ^* mussche) slaen te offeren in een aerden vat, op een leuende watere,

* th. voghel.

51

so sal hy nemen dat cederboomen hout, ende ysope, ende die paerse side, ende die leuende ^* mussche) ende salt al netten int bloet der musschen die geoffert is, ende aent leuende watere, ende sal dat huys seuenwerf besprinckelen,

* th. voghel.

52

ende salt suyueren also metten bloet der ^* mussche) metten leuenden watere, ende met dye leuende ^* mussce) ende met cederen hout ende ysope ende paerse side,

* the. vogels

* the. vogel

53

Ende als hi die leuende ^* mussche) heeft laten vliegen vry inden ackere, so sal hi voor thuys bidden, ende tsal ghesuyuert worden.

* th. vogel.

54

Dit is die wet ouer alle die lazarien, ende grillicheit,

55

ouer die lazarie der cleederen, ende der huysen,

56

ouer die buylen door lichtende smetten, ende verscheyden verwen verandert,

57

op datmen wete, wanneer yet reyn oft onreyn is.

§ Van eenigen manne die zijn zaet afuloeyt, van eeniger vrouwe die der vrouwen siecte lijdt, Ende van eender dye die bloetvloet lijdet, ende hoe si moeten gesuyuert worden