De Vorsterman Bijbel

§ Dat .viij. Capittel.

1

⁺ENde die HEERE sprack tot Moysen segghende,

+ A

2

Neemt Aaron met sinen sonen, ende haer cleederen, ende die salfolije, ende een calf tot eenen offer voor die sonden, twee rammen, ende eenen corf met ongheheefden broode,

3

ende ghi sult vergaderen alle die ghemeynte voor die duere des Tabernakels des ghetuyghenis,

4

Moyses dede so hem die HEERE gheboot, ende vergaderde die ghemeynte, voor die duere des Tabernakels des ghetuyghenis,

5

ende sprack tot haer, Dit is dat die HEERE gheboden heeft te doen.

[p. g1r]

6

Ende terstont ^* offerde) hy Aaron met sinen sonen, ende als hise ghewasschen hadde,

* the. bracht

7

soo cleede hi ^* den bischop,) met eenen fijnen onderrock, ⁺ ende gorde hem met den gordel, ende trock hem den gheelen siden rock aen, ende dede hem den lijfroc aen, die die schouderen decte daer bouen, den welcken vastmakende met den gordel,

* the. hem

+ B

8

heuet geuoecht bequamelick aen den borst lap der redelicheyt, inden welcken was ^* leeringhe ende warachticheit)

* theb. Vrim ende Thumim, dat is, licht, ende volheyt.

9

Ende bedecte thooft met den myter, ende bouen op den myter buyten tegent voorhooft stelde hi die gouden plate, die ghewijt was, tot heylichmakinghe, ghelijc die HEERE hem dat gheboden hadde.

10

Ende Moyses nam die salf olie, ende salfde den tabernakel, ende al datter in was,

11

ende als hi widende den outaer besprenckelt hadde seuen mael, ⁺ soo salfde hi hem, met al zijnder ghereetschappen, Dat wateruat met sinen voeten, dat heeft hy ghesalft met olie,

+ Eccl. ix.c

12

ende hi goot die salf olie op Aarons hooft, ende salfde hem, ende hi wijde hem,

13

Ende doen ^* offerde) hi ooc Aarons sonen, ende wijdense, ende trock hen lijnen rocken aen, ende gordese met ghordels, ende huer myters op haer hooft, alsoo hem dye HEERE gheboden hadde,

* the. bracht

14

⁺Ende hi ^* offerde) een calf voor dye sonde, Ende als Aaron ende zijn soonen haer handen op zijn hooft geleyt hadden

+ C

* the. bracht

15

^* soo offerde hi dat) ende schiep dat bloet, ende als hi zijn vingeren daer in ghenet hadde, soo raecte hy dye hoornen des altaers rontsomme, Ende als die altaer versoent ende gheheylicht was, so storte hy al dander bloet aen des altaers bodeme,

* theb. doen sloechment.

16

Maer hi nam al dat vet des ingewants, dat net dat ouer dye leeuere is, ende dye twee nieren, metten vette dat daer aen is, ende hy ontstact op den altaer, tot eenen ruecke,

17

Dat calf met sinen vette, vleesche ende mest, verbrande hi metten viere, buyten den leghere, alsoo hem die HEERE geboden hadde.

18

Ende hi ^* offerde) eenen ram tot eenen brantoffere, ⁺ op wiens hooft Aaron met sinen sonen leyden haer handen

* the. bracht

+ D

19

^* ende doen offerde hy) dien, Ende hy goot dat bloet rontsom den altaer,

* theb. doen sloechmen.

20

ende hi hieu den ram ontstucken, ende dat hooft, ende die stucken, ende dat vet ontstack hi te roocken,

21

als te voren dat ingewant ende die schenckelen metten water gewasschen waren, ende hi ontstack alsoo den gheheelen ram opten altaer, om dat was een brantoffer des aldersoetsten ruecs den HEERE, soo hi hem gheboden hadde [kolom]

22

Ende Moyses ^* offerde) den tweeden ram tot die wijdinghe der priesteren, ende Aaron met sinen sonen leyden haer handen op zijn hooft,

* th. bracht

23

ende als Moyses dien offerende gedoot hadde, so nam hi vanden bloede, ende raecte dat lapken van Aarons rechter ooren, ende den duym van zijnder rechter hant, ende den grooten teen van sinen rechten voet,

24

Ende Moyses ^* offerde) ooc Aarons sonen, ende als hi vanden bloede des rams die gheoffert was dat lapken van haeren rechten ooren, ende den duym van haerder rechter handt, ende den grooten teen van haren rechten voet geraect hadde, soo goot hi dat bloet, welc daer ouer schoot rontsomme den altaer.

* th. bracht

25

⁺Maer dat vedt ende den steyrt, ende alle dat vet des ingewants, ende dat net dat om die leeuere is, ende die twee nieren metten vette dat daer aen is, ende die rechter schouder leyde hi verscheiden vanden anderen,

+ E

26

Daer toe nam hi wt den corf daer dat ongedesemde broot inne was, voor den HERE, eenen ongedeesemden koeck, ende eenen koeck geolijts broots, ende een vlade, ende leydet op tvedt ende op die rechter schouder,

27

ende hi gaf dat altesamen op Aarons ende zijnder sonen handen, ende nae dat zijt voor den HEERE opgheheuen hadden,

28

soo heuet hijt wederom ghenomen van haeren handen, ende ontstact om te roocken opten altaer der offerhanden diemen geheele verbrant, om dat een offerhande der wijdinghe was tot eenen ruec der soeticheyt een offer, den HERE.

29

⁺Ende Moyses nam dat borst stuc vanden ram der wijdinge, ende verhieft op voor den HEERE tot sinen deel, so hem die HEERE beuolen hadde,

+ F

30

Ende Moyses nam die salf olie, ende vanden bloede des altaers, ende sprengdet op Aaron, ende zijn cleederen, ende op sinen sonen, ende op haer cleederen,

31

Ende als hi geheylicht hadde huer cleederen, soo heeft hi hen beuolen, segghende, Cooct dat vleesch voor dye duere des tabernakels, ende etet aldaer. Ende die brooden der wijdinghe eet oock die inden korf geleyt zijn, soo mi die HEERE geboden heeft, ⁺ seggende, Dattet Aaron ende zijn sonen eten souden,

+ Exo. xxix.f

32

Maer watter ouerblijft vanden vleesche, ende vanden broode, dat sal tvier ^* wech nemen.)

* th. verbranden

33

Ende ghy en sult binnen seuen dagen niet wtghaen vander dueren des tabernakels, tot dien dage, dat dye daghen uwer wijdinge veruult zijn, want seuen daghen gheschiet uwe wijdinghe, alsoo dat nv in desen teghenwoordighen tijt gheschiet is,

34

^* op dat die maniere der heyliger offerande

* th. die HERE heuet geboden te doen, v te versoenen.

[p. g1v]

veruult soude worden)

35

Ende ghi sult inden ^* tabernakel) dach ende nacht blijuen seuen daghen lanck, Ende ghi sult gaey slaen die bewaernisse des HEREN, op dat ghi niet en sterft want alsoo ist my gheboden,

* th. tabernakel des getuychnisse

36

Ende Aaron met sinen sonen dedent al dat die HEERE door Moyses hant ghesproken hadde.

§ Aarons eerste offerande voor hem ende voor dat volc, ende hi gebenedijt tvolck