De Vorsterman Bijbel

§ Dat .xxxvij. Capittel.

1

⁺ENde Bezeleel maecte die Arcke van Vueren houte, twee cubitus ende eenen haluen lanck, anderhalf cubitus breet, ende die hoochte was anderhalf cubitus, ende hi ouerdectese metten alderfijnsten goude van binnen ende van buyten,

+ A

2

ende hi maecte haer om ende om, een gulden croone,

3

ende goot haer vier gulden ringhen aen haer vier hoecken, op elcke side twee,

4

Ende hi maecte hantboomen van Vueren houte, ende die ouerdecte hi met goude,

5

ende hi stacse in die ringhen aen die siden vander Arcken, datmense draghen mochte.

6

Ende hi maecte den stoel der ^* antwoorden,)

* th. genaden

[p. f3v]

[afbeelding]

vanden alderfijnsten goude, twee cubitus, ende een halue lanck, ⁺ ende anderhalf cubitus breet,

+ B

7

ende hi maecte twee Cherubim van gheslagen goude, aen die .ij. eynden des ghenaden stoels,

8

een Cherubim aen deen eynde, dander aen dat ander eynde.

9

Ende die Cherubim breyden wt haer vloghelen van bouen ouer, ende decten also den genaden stoel ende sagen malcanderen

[afbeelding]

ende den ghenaden stoel.

10

⁺Ende hi maecte die tafele van Vueren houte .ij. cubitus lanck een breet, ende anderhalf cubitus hooge,

+ C

11

ende verguldese [kolom] met finen goude, ende hi maecte daer ouer al om een gulden lijst,

12

ende op die lijst een gulden croon vier vinger breet, ende bouen die selue noch een ander gulden croone,

13

Ende hi goot daer toe vier gulden ringhen, ende dedese aen die vier hoecken aen de voeten

14

teghen ^* die croone,) ende hi stack die hantboomen daer inne, datmen die tafel soude moghen dragen,

* th. die lijste

15

Ende hi maecte die hantboomen van Vueren houte, ende verguldese met goude, datmen die tafele daermede soude dragen,

16

Ende hi maecte oock vaten tot verscheyden gebruyck der tafelen, ^* azijn vaten, flesschen, croesen, wieroock vaten) van suyueren goude daermen vochtighe offerhande mede soude offeren.

[afbeelding]

* th. schotelen scalen, croesen, ende kannen.

17

⁺Ende hi maecte den candelaer gheslagen vanden alder fijnsten goude, van wiens boom scachten nappen, ronde clootkens, ende oock lilien wt quamen

+ D

18

ses aen beyde siden, drie scachten wter eender side, ende drie wt der andere

19

drie nappen in maniere van noten aen elcken scacht ende ronde clootkens, ende daer mede lilien ende drie nappen gelijc noten aenden anderen scacht ende ronde clootkens, ende daer mede lilien het werc des ses scachten was gelijck die daer ginghen wten struyck des candelaers.

20

Maer aenden boom waren vier nappen inder gelijkenisse van noten, ende aen elcken, ronde clootkens ende lilien mede,

21

ende clootkens onder die twee schachten aen die plaetsen tsamen werden ses scachten voortcomende wt eenen boom,

22

Ende die clootkens ende die schachten ginghen wt hem, ende waren alle gader gheslagen werck wten alderfijnsten goude.

[p. f4r]

23

ende hi maecte .vij. ^* lichters) met haren keers snutters ende blusuaten vanden alder fijnsten goude,

* th. lampen

24

Den candelaer ende alle zijn ghereeschap woech een talent gouts.

25

⁺Hy maecte oock den outaer des rueckwercs van vueren houte, int viercant hebbende die breede eens cubitus, ende in dye hoochte twee, wt sinen hoecken spruyteden hoornen,

+ D

26

ende hi ouerdecten met den aldersuyuersten goude met den rooster, ende dye weeghen ende die hoornen,

27

ende hi heeft hem in den omganck een croone gemaect, ende twee gulden ringhen onder die croone, aen elcke side, op datmen daer hantboomen in steken soude, dat den outaer daer mede soude moghen ghedraghen worden,

28

Maer dye hantboomen maecte hi van vueren houte, ende ouerdectese met gouden platen,

29

Ende hy maecte die heylighe salf olie, ende ruecwerck vanden alder fijnste specerien, na die conste des apotekers.

[afbeelding]

§ Hoe den brantoffer altaer ghemaect wert, dat Metalen vat ende den voorhof, ende tghetal van dat tvolc offerde