De Vorsterman Bijbel

§ Dat .xxiiij. ca.

1

⁺ENde hy sprack tot Moysen, Coemt op, totten HERE, ⁺ ghi ende Aaron, Nadab, Abihu, ende die tseuentich ouders van Israhel, ende ghi sult van verre aenbidden,

+ A

+ Deu. vij.g.

2

Maer Moyses sal alleen comen bi den HEERE, ende die ander en sullen hem niet naerder co-

[p. e4v]

men, ende tvolc en sal met hem niet op climmen.

3

Moyses quam ende vertelde den volcke alle die woorden des HEREN, ende alle zijn rechten, Doen antwoorde tvolc met eender stemmen, segghende, Alle dye woorden dye dye HEERE gheseyt heeft, sullen wy doen.

4

⁺Doen screef Moises alle die woorden des HEEREN, ende stont smorghens vroech op, ende maecte eenen altaer onder aenden berch, met .xij. pilaerkens, na den .xij. gheslachten van Israel,

+ B

5

ende sant daer .xij. iongelinghen vanden kinderen van Israel, si offerden brantoffer daer op, ende vrede offer den HERE, ^* te wetene twaelf calueren.)

* th. van varren.

6

Ende Moyses nam dye helft des bloets in een becken, Die ander helft sprengde hi opten altaer,

7

ende nam dat boeck des verbonts, ende last, daert dat volck hoorde, Ende doen seyden si, Al wat die HEERE geseyt heeft, dat sullen wi doen, ende gehoorsaem zijn,

8

ende Moyses nam dat bloet, ende besprengde dat volc daer mede, segghende, Siet, dit is dat bloet des verbonts, dat welcke dye HERE met v ghedaen heeft, bouen alle dese woorden.

9

⁺Ende Moyses ende Aaron, Nadab, ende Abihu, ende die tseuentich ouderen van Israel gingen op,

+ C

10

ende si sagen den God van Israel, Onder zijn voeten wast gelijc dwerc van eenen steen van Saphieren, ende gelijc die gedaente des hemels, als hi claer is,

11

Ende hi en liet zijn hant niet ouer die ^* ghene die verre ghegaen waren) ende si sagen God, ende aten ende droncken.

* the. vernaemste van Israhel

12

⁺Ende dye HEERE sprack tot Moysen, Coemt op tot mi op den berch ende blijft al daer, ende ick sal v gheuen twee steenen tafelen, ende die wedt, ende die gheboden, dye ick ghescreuen hebbe, op dat ghi die kinderen van Israel leeren sout,

+ D

13

Doen ginc Moyses op, ende zijn dienaer Iosue, ende clommen opten berch Gods,

14

Ende Moyses sprac tot den ouders, Blijft hier, tot dat wi weder tot v comen, ghi hebt Aaron ende Hur bi v, Ist datter eenige sake op staet, die suldi tot hen verhalen.

15

Als Moyses opten berch quam, bedecte een wolcke den berch,

16

ende die heerlicheyt des HEEREN woonde opten berch Sinai, ende bedecte den berch metter wolcken ses dagen, ende dye HERE riep Moysen ten vij. daghe ^* wten midden der duysterheyt.)

* thebr. wter wolcken.

17

Ende dat aenschouwen der heerlicheit des HEREN was ghelijck verslindende vier opten top vanden berghe, voor die oogen der kinderen van Israel,

18

ende Moyses ginc midden in die ^* neuele) ende clam opten berch, ende was daer opten berch veertich dagen ende veertich nachten

[kolom]

* the. wolcke

§ Van dye ghereetschap des tabernakels te bereydene, Van die vrywillige offerhanden des volcs van Israel, Ende van die arcke des ghetuyghenis, Ende vanden genaden stoel.