De Vorsterman Bijbel

§ Dat .xx. ca.

1

⁺ENde die HEERE sprac alle dese woorden,

+ A

2

Ick ben die HEERE v God, dye v wt Egypten lant, ⁺ wt den dienst huyse gheleyt hebbe,

+ Dat eerste ghebot.

3

Ghi en sult gheen ander goden bi mi hebben,

4

ghy en sult gheen ghehouwen afgoden, ⁺ noch eenich ghelijckenissen maken, noch van tghene dat bouen inden hemel is, noch van datter onder opter aerden, noch van datter int water onder die aerde is,

+ Deut. xl.a. ps. lxxxviiij c. Leui. xxvi.a

5

Ende en aenbidtse niet, noch en dientse niet, Want ick die HEERE uwe God, ben een vreeselijck liefhebber, dye daer besoecke des vaders misdaet aen den kinderen, tot in dat derde ende vierde lidt, der ghenen die mi haten,

6

Ende ick doe barmherticheyt aen veel duysenden, die mi lief hebben, ende mijn geboden houden,

7

Ghi en sult den naem des HEEREN ws Gods niet te vergheefs ghebruycken, ⁺ want [kolom] die HERE en sal den ghenen niet ontschuldich houden, ⁺ die sinen naem te vergheefs ghebruyct.

+ Dat tweede ghebot.

+ B

8

Sijt ghedachtich, dat ghy den dach des sabboths heylicht.

9

Ses daghen suldi arbeyden, ⁺ ende alle v werck doen,

+ Dat derde ghebot

10

Maer den seuenden dach is den sabboth des HEEREN ws Gods, In dien en suldy gheen werck doen, noch v sone, noch v dochtere, noch v knecht, noch v ioncwijf, noch v vee, noch v vremdelinck, die in dijnre stadt poorten is,

11

Want in ses dagen heeft die HERE hemel ende aerde ghemaect, ende die zee, ende al datter in is, ende hi ruste ten seuensten dage, Hierom gebenedide die HERE den sabboth dach, ende heylichde hem.

12

Ghi sult v vader ende moeder eeren, ⁺ op dat ghi langhe muecht leuen opter aerden, ⁺ die v die HEERE v God gheuen sal.

+ Dat vierde ghebot.

+ C

13

Ghi en sult niet dootslaen. ⁺

+ Dat vijfde.

14

Ghi en sult gheen ouerspel doen. ⁺

+ Dat seste

15

Ghi en sult niet stelen. ⁺

+ Dat seuenste

16

Ghi en sult gheen valsch ghetuyge spreken teghen uwen naesten. ⁺

+ Dat achtste ghebot.

17

Ws naesten huys en suldi niet begheren. ⁺

Ghi en sult niet begeren ws naesten wijf, ⁺ noch sinen knecht, noch zijn ioncwijf, noch sinen osse, noch ezel, noch eenich dinck dat hem toebehoort.

+ Dat negenst

+ Dat tienste ghebot.

18

Ende tvolc sach den ^* stemme) ende vierighe lampen, ende tgheluyt der basoenen, ende den berch roocken, ende si beuaen zijnde met anxte ende met vreese, stonden si van verre,

* the. donder ende blixem.

19

ende spraken tot Moysen, Spreket ghi tot ons, wi sullent hooren, en laet God nyet met ons spreken, wi souden misschien anders steruen,

20

Ende Moyses sprack totten volcke, en wilt niet vreesen, want God is gecomen, ⁺ om dat hi v proeuen soude, ende om dat zijn vreese voor v oogen zijn soude, ende dat ghi niet sondighen en sout.

+ D

21

Ende dat volc stont van verre, maer Moyses ghinck in totter donckerheyt, daer God in was,

22

ende die HEERE sprac tot hem, Also suldi den kinderen van Israel segghen, ghi hebt gesien, dat ick met v vanden hemel gesproken heb,

23

daer om en suldi v niet maken, silueren, noch gulden goden,

24

Eenen altaer van aerden suldi mi maken, ende daer op suldi offeren brantoffer ende vredeoffer, v scapen, ende ooc uwe runderen, In alle plaetse daer ^* gedachtenisse mijns naems sal wesen, Ic sal) tot v comen, ende v gebenedien,

* th. ic mijns naems ghedachtenisse make daer sal ic

25

Ist dat ghi mi maect eenen steenen altaer, soo en suldi dien niet timmeren van gehouwen steenen, ⁺ want hefte ghi v mes daer op, so sal hi onsuiuer worden,

+ Deu. xvi.a. Iosue. xxx e

[p. e3r]

26

Ghi en sult niet tot minen outaer met trappen op climmen, dat uwe leelicheyt niet ontdect en worde.

§ Van die goddelike rechten, Van eenen knechte te coopen, Ende van die ouders niet te slaene