De Vorsterman Bijbel

§ Dat .vij. Cap.

1

⁺DIe HEERE sprack tot Moysen, Siet toe, ick heb v tot eenen God geset ouer Pharao, ende Aaron v broeder sal uwe Propheet zijn,

+ A

2

Ghi sult segghen al dat ick v ghebieden sal ^* Ende die sal tot) Pharao spreken, dat hi die kinderen van Israel wt sinen lande late,

* th. Maer Aaron uwe broeder sal tot

3

☞ Maer ic sal Pharaos herte verharden, ende sal vermenichfuldighen mijn teekenen ende ^* vertooninghen) int lant van Egypten,

* the. wondere.

4

Ende hi en sal v niet hooren, op dat ick mijn hant wtstreckende bewijse op Egypten, ende leyden mijn heyr, ende mijn volck die kinderen van Israel wt Egypten lant, door groote oordeelen,

5

Ende die Egyptinaren sullen weten dat ick die HEERE ben, die mijn hant wtghestrect heb ouer Egypten, ende die kinderen van Israel wt midden van hen gheleyt.

6

⁺Moyses ende Aaron deden also hen die HERE geboden had,

+ B

7

Ende Moyses was .lxxx. iaer out, ende Aaron .lxxxiij. iaer out, als si tot Pharaonem spraken,

8

Ende die HERE sprac tot Moysen ende Aaron,

9

Wanneer Pharao tot v segghen sal, Bewijst uwe teekenen, dan suldy tot Aaron seggen, Neemt uwe roede ende worpse voor Pharao, ende si sal een slanghe worden.

10

Doen ghinghen Moyses ende Aaron tot Pharao, ende deden so hen die HEERE gheboden hadde, ende Aaron ^* droech) zijn roede voor Pharao ende sine knechten, ende si wert een slanghe,

* the. werp.

11

Doen ontboot Pharao die wijse ende swarte constenaers, Ende si deden door Egyptische ^* toouerijen) ^* ende sommighe heymelicheden) desghelijcs,

* h. besweren

* ten is niet int hebre.

12

ende een yeghelijck werp zijn roede van hem, ende si verkeerden in draken, Maer Aarons roede verslont haer roeden,

13

Ende Pharaos herte verstocte, ende hi en hoordese niet, also die HEERE dat gheseyt hadde.

[p. d4r]

14

⁺Ende die HERE sprack tot Moysen, Pharaons herte is ^* verswaert) hi weyghert dat volck te laten,

+ C

* h. verhart

15

Gaet morghen vroech tot hem, Siet hi sal wtgaen aen dwater, ende ghi sult staen in zijn ghemoete, op den oeuer des waters, Neemt die roede in uwe hant die in eenen ^* draecke) wert verkeert,

* th. slanghe

16

ende segt tot hem, Die HEERE, der Hebreen God, heeft mi tot v ghesonden, segghende Laet mijn volck wtgaen, dattet mi offerande doe inder woestijnen, maer ghi en hebt tot noch toe niet willen hooren.

17

Daerom spreect die HEERE also, Daer aen suldy bekennen, dat ick die HERE ben, Siet, ick sal metter roeden die ick in mijn hant hebbe, dat water slaen dat inder ryuieren is, ende het sal in bloet verandert worden,

18

ende die visschen die in die ryuiere zijn, sullen steruen, ende die ryuiere sal ^* rotten,) Ende die Egyptenaren sullen ghequelt worden, drinckende die wateren der ryuieren.

* th. stincken.

19

⁺Ende die HERE sprack tot Moysen, segt Aaron, Neemt uwe roede, ende rect uwe hant wt ouer die wateren van Egypten ouer haere vloeden, ryuieren, ende ^* broeken) ende ouer alle haer waterschoten, dat si in bloet verandert worden, ende dattet bloet si in allen Egypten lant, beyde in houten ende steenen vaten,

+ D

* the. zee.

20

Moyses ende Aaron deden so hen die HEERE gheboden hadde, ende hief die roede op, ende sloech int water der ryuieren, voor Pharao ende sine knechten, Ende al dat water des ryuiers wert in bloet verwandelt,

21

ende die visschen des ryuiers storuen, ende die ryuiere wert ^* rottende) ende die Egyptinaren en consten dat water der ryuieren niet ghedrincken ende daer was bloet in alle Egypten lant.

* the. stinckende.

22

Ende die tooueraers van Egypten deden oock also, met haeren ^* toouerijen.) Ende Pharaos herte wert verhart, ende hi en hoordese niet, alsoo die HEERE dat gheboden hadde,

* the. besweringhe.

23

Ende Pharao keerde hem omme, ende ghinck thuys, ende hi en stelde oock dese reyse zijn herte daer noch niet aen,

24

Alle die Egyptinaren groeuen na water, al omtrent die ryuieren, om te drincken, want si en conden dat water der ryuieren niet ghedrincken,

25

Ende het duerde seuen daghen lanck, dat die HEERE sloech die wateren der ryuieren.

§ Hoe Pharao verhart blijft, ende tvolck niet en wilt laten wttrecken waerom dat lant van Egypten met vorsschen gheplaecht wort, ende met luysen noch wort Pharao verhart.