De Vorsterman Bijbel

§ Dat .xxxv. Capittel.

1

⁺ENde daerenbinnen sprack God tot Iacob, Staet op, ende trect te Bethel, ende woondt aldaer, ende maect aldaer eenen altaer, den Gode die v openbaerde, doen ghi [kolom] vloot voor uwen broeder Esau.

+ A

2

Ende Iacob riep bi een zijn huysgesin ende seyde, Doet van v die vremde goden, die onder v zijn, ende reynicht v, ende verandert uwe cleederen,

3

ende laet ons gaen, ende reysen te Bethel, dat wi aldaer eenen altaer maken, den Gode die mi verhoort heeft, inden tijt mijns drucs, ende is met mi geweest inden wege dien ick gereyst ben,

4

Dus ghauen si hem al die vremde goden die onder haer handen waren, ende haer oorenringen, ende hi begroefse onder eenen, ^* Therebintijn) boom, dye neuen Sichem stonde, ende troc wech,

* theb. eycken

5

Ende als si ghereyst waren, quam een vreese Gods ouer die steden die daer omtrent laghen, dat si niet en dorsten volghen, ^* die wech reysden)

* th. Iacobs sonen

6

Aldus quam Iacob te Lusam int lant Canaan dat daer Bethel hiet, met al den volck datter met hem was,

7

ende maecte aldaer eenen altaer, ende hiet die stede thuys Gods, daerom dat hem God aldaer geopenbaert was, als hi voor sinen broeder vloot,

8

^* Tot dien tijden) sterf Delbora, Rebecca voester, ende wert begrauen aen dat onderste van Bethel, onder die eycke, ende de plaetse wert ghenaemt die eycke des weenens.

* theb. Daer

9

Noch openbaerde God Iacob, ⁺ na dien dat hi van Mesopotanien gecomen was, ende ghebenedide hem

+ B

10

ende sprac tot hem, Ghy en sult nyet meer Iacb heeten, maer Israel suldy heeten, ⁺ ende hi hiet hem Israel,

+ Hier wort Iacob Israel eerstmale ghenaemt

11

ende sprac tot hem, Ick ben die almachtighe Godt, Wast ende vermenichfuldicht v, Verscheyden volcken, ende geslachten sullen van v comen, ende coninghen sullen wt uwen lendenen comen,

12

ende dat lant dat ick Abraham ende Ysaac ghegheuen heb, sal ick v gheuen, ende salt uwen zade na v gheuen,

13

Aldus voer God op van hem, van die plaetse daer hi met hem gesproken hadde,

14

Iacob rechte aldaer eenen steenen titel op, daer God met hem gesproken hadde, ende ghoot vochtigen offer daer op, ende beghoten met olie,

15

Ende Iacob hiet die plaetse daer God met hem gesproken hadde Bethel.

16

^{+ *} Ende als hi van daer gheghaen was, is hy ghecomen inder Lentenen tijt tot den lande dat leyt te Ephrata) Inden welcken als Rachel in arbeyt ghinck ende beghonste in noode haers lijfs te zijn,

+ C

* th. Ende troc van Bethel ende doen hi noch een velt wechs van Ephrat was baerde Rachel, (Ben oni) dat is mijnder smertten sone.

17

om die swaerheyt der drachte, doen sprac die vroede vrouwe, en vreest niet, want desen sone suldy oock hebben,

18

Maer als haer die ziele wtghinck van pijnen, ende dat si steruen moeste, hiet si hem Ben oni, Maer zijn vader hiet hem Ben-

[p. c1r]

Iamin, ⁺

+ Beniamin dat is, die rechte sone

19

Aldus sterf Rachel ende wert begrauen aen den wege Ephrata, die nv heetet Bethlehem,

20

Ende Iacob rechte eenen steenen titel op haer graf, aldaer is dien titel van Rachels graue tot op desen dach,

21

Ende Israel trock van daer, ende rechtet op een wooninghe op ghene side vanden torren ^* der cudden.)

* th. Eder

22

Ende het ghebuerde als Israel in dien lande woonde, dat Ruben ginck ende besliep Bala zijn vaders bislaeppersse ^* hetwelc Israel niet verborgen en was) ⁺ Ende Iacob hadde twaelf sonen,

* i.Corin. v. theb. Ende het quam voor israel

+ D

23

Lea sonen waren dese, Ruben Iacobs eerste gheboren sone, ende Simeon, ende Leui, ende Iuda, Isachar, ende Zabulon.

24

Die sonen Rachel waren dese, Ioseph ende Ben Iamin.

25

Die sonen Bala Rachels ioncwijfs, Dan ende Nepthalin.

26

Die sonen van Zelpha die daer Lia ioncwijf was, Gad ende Aser. Dat zijn Iacobs sonen die hem gheboren zijn in Mesopotamien, ^* int lant van Syrien.)

* ten is niet int hebre

27

Oock quam hi tot sinen vader Ysaac te ^* Mambre in die stadt Arbee, die heet Hebron) daer Abraham ende Ysaac vremdelingen gheweest zijn.

* the. Mamre in dye hooftstadt die Hebron heet,

28

Ende Ysaacs dagen zijn veruult geweest hondert ende tachtentich iaren,

29

^* ende verteert van ouderdom is hi ghestoruen) ende gheset by zijn volck, oudt ende vol van daghen, ende Esau ende Iacob zijn sonen hebben hem begrauen.

* the. Ende wert cranc ende sterf

§ Esaus huysurouwen ende kinderen ende hoe Esau van sinen broedere scheydet.