De Vorsterman Bijbel

§ Dat .xxxiiij. Capittel.

1

⁺DIna Lia dochter die si Iacob gebaert hadde, ginc wt om te sien die dochteren van dien lande,

+ A

2

Als Sichem Hemors sone des Euiters, die des lants heere was, Dinam sach, beminde hise ende namse ende besliepse, ende vercrachte die maget,

3

ende zijn herte hinc aen haer, Ende al smeekende trooste hise die droeuich was,

4

ende ginc tot Hemor sinen vader, ende seyde, Neemt mi dit meysken tot een huyfrou.

5

Dwelcke als Iacob verhoort hadde, als zijn kinderen van daer waren, ende waren onledich met die beesten te hoeden, sweech hi tot dat si wederom quamen,

6

Doen ginc Hemor Sichems vader wt tot Iacob, om met hem te spreken,

7

Siet, daer binnen quamen die sonen van den velde, ende als zijt hoorden, datter geschiet was, so werden si zeer toornich, om dat hi een vuyl dinc gedaen hadde in Israel, ende dat hy met gewelt Iacobs dochter beslapende een ongheoorloft stuck bedreuen hadde.

8

⁺Hemor heeft daerom aldus hen aenghesproken ende seyde, Mijns soons Sychems ziele is vereenicht aen v dochtere, gheeftse hem toch tot eender huysfrouwen,

+ B

9

Ende laet ons met malcanderen houwelijc maken gheeft ons uwe dochteren, ende neemt ghi onse dochteren,

10

ende woont bi ons, dat landt is in uwer macht, Bouwet daerde, doet coomanscap, ende besidtse,

11

Ende Sichem sprac tot haren vader ende broederen, laet mi genade by v vinden, wat ghi luyden mi segt, dat sal ic v geuen, meerdeet die gauen,

12

eysschet ghiften ic wilt al gheerne geuen, alleen geeft mi dit meysken tot eender huysfrouwen,

13

Doen antwoorden Iacobs sonen Sichem ende sinen vadere Hemor, met bedroch wreedelijck gram wesende, om dat haer suster van haerder eeren ontset was,

14

ende seyden tot hen, Wi en moghen dat nyet doen, dat ghi begheert, noch onse suster eenen onbesneden man geuen want dat ongeoorloeft ende een onsprekelike sonde bi ons is,

15

maer daer in mogen wi ons met v verbinden, ist dat ghi ons gelijc worden wilt, ende al wat manlijc onder v is, besneden worde,

16

dan sullen wi onse dochteren v geuen, ende uwe dochteren ons nemen, ende bi v woonen, ende een volc zijn,

17

Maer ist dat ghi ons nyet en hoort v te besniden, so willen wi onse dochter nemen ende van hier trecken,

18

⁺Dese reden beuiel Hemor ende sinen sone Sichem wel,

+ C

19

ende die iongelinc en vertrac niet datter begheert wert te doene, Want hy beminde dat meysken zeere,

[p. b8v]

ende hy werdt dye heerlijcste ghehouden, bouen alle die in zijns vaders huys waren

20

Als Hemor ende Sichem zijn sone quamen inder stadt poorte, ende spraken metten borgeren van dier stadt, ende seyden,

21

Dese luyden zijn vreedsaem, ende willen bi ons woonen, Laetse comen hanteren die eerde, ende wercken want dat lant breet van beuange is, ende behoeft wercmannen, wi sullen ons haer dochteren nemen, ende hen onse dochteren gheuen,

22

Maert een sake ist alleene, daer dit groote goet mede wtgestelt wort, Ist dat wi al wat manlijck onder ons is, besniden, glijc si besneden zijn,

23

haer vee ende ghoeden, ende al wat si hebben sal onse zijn, alleen dat wi maer hen te wille worden ^* in dat stuc, ende si bi ons woonende sullen wi een volck worden.

* th. dat si bi ons woonen Ende si verhoorden Hemor ende Sichem sinen sone, alle die tot zijnder stadtpoorten wt ende in ghingen, ende besneden al wat manlic was, dat tzijnder statpoorten wt ende inghinc

24

Het is haerder alder wille geweest, ende si hebben alle haer mannen besneden)

25

Ende siet ten derden dage, alsi hen aldermeest smertede, namen Iacobs twee sonen Simeon ende Leui Dina broeders, een yegelijc zijn sweert, ende ghingen in die stadt stoutelijck, ende doodeden al dat manlijc was,

26

ende dooden oock Hemor ende sinen sone Sichem ^* ende namen haer suster Dina wt Sichems huyse,

* the. met de scerpte des sweerts.

27

ende ghinghen wech.

Doen quamen Iacobs andere sonen ouer die verslagene, ende pluysterden die stadt, om dat si haer suster ghescheynt hadden,

28

Ende namen haer schapen, runderen, ezelen, ende watter inder stadt ende inden velde was,

29

⁺ende alle haer haue, al die kinderen ende vrouwen namen si geuangenen, ende plunderden al wat in die huysen was.

+ D

30

Ende als dit stoutelijck van hen volbracht was, seyde Iacob tot Simeon ende Leui, Ghi luiden hebt mi verstoort, ende hebt mi verhaet ghmaect voor die Cananiten ende Pheresiten diet lant bewoonen, wi zijn eenen cleynen hoop, wanneer si nv hen vergaderen ouer mi, so sullen si mi slaen, also worde ic te niete ghedaen met minen huyse,

31

Si antwoordeden, hadden si redene met onser sustere te leuene, ende haer te misbruyckene als een hoeree?

§ Hoe Iacob die afgoden onder den boom groef ende tot Bethel ghinck, ende tot Lusam coemt ende Delbora sterft, ende Rachael sterft Ende Iacob Israel ghenaemt wort, ende Ruben besmet zijns vaders bedde ende Isaac sterft.