De Vorsterman Bijbel

§ Dat .xiiij. ca.

1

⁺IN dien tijde gesciede, dat de coninc Amraphel van Sennaar, Arioch de coninc van ^* Ponthi) Kodorlaomor coninc van Elam, ende Thadal coninc der heydenen,

+ A

* h. Ellasar

2

dat si streden met Bera den coninc van Sodoma, ende Ber-[kolom]sa den coninc van Gomorra, ende Senneab den coninc van Adama, ende tegen Semeber coninck van Seboim, ende tegen den coninc van Bala die ^* Zegor) heetet,

* the. Zoar.

3

Dese quamen alle te samen in dat breede dal, daer nv die soute zee is,

4

want si waren .xij. iaer onder den coninc Kodorlaomor geweest, ende int .xiij. iaer waren si hem afgeuallen.

5

Daerom quam Kodorlaomor, ende die coningen die met hem waren, inden xiiij. iare, ende sloegijen Raphaim te Astarot, ⁺ Karnaim ende Sufim ^* met hem), ⁺ ende Emin, inde velden Kariathaim,

+ Raphaim, dat is, die ruesen.

* h. tot hem

+ (Sufim) dat zijn die ionckers ende edeluyden.

6

ende die Horiten, op dat geberchte Seir tot aen dat breet velt Pharan, welck aen die woestine stoot,

7

Daer na keerden si weder om, ende quamen aen ^* die fonteyne Mesphat) dat is Kades, ende sloegen dat geheele lant der Amalekiten, ooc die Amoriten, die te Azezon Thamar woonden.

* theb. recht borren.

8

⁺Doen trocken wt die coningen van Sodoma van Gomorra, van Adama, van Zeboim, ende die coninc van Bala, die ^* Zegor) heet, ende si stelden hen ten strijde, int breede dal

+ B

* the. Zoar.

9

tegen Kodorlaomor den coninc van Elam, ende tegen Thadal den coninc der heydenen, ende Amraphel die coninc van Sennaar, ende Arioch den coninc van ^* Ponthi) vier coningen tegen vijf,

* h. Ellasar

10

ende dat breede dal hadde veel leem graften. Maer die coninc van Sodoma ende van Gomorra, werden daer in geslagen int vluchten, ende neder gheleyt, ende watter ouer bleef, dat vloot op dat gheberchte,

11

Doen namen si alle die haue te Sodoma ende te Gomorra, ende al dat der spisen toebehoort, ende trocken van daer,

12

Ende si namen ooc met hen Loth Abrams broeders sone ende zijn goet, want hi woonde te Sodoma, ende si trocken van daer.

13

Doen quam daer een die ontloopen was ende seydet Abram den ^* Hebreeuschen) man die daer woonde in dat dal ^* Mambre) der Amoriten, de welc een broeder Escol ende Aner was, dese waren met Abram in een verbonden.

* thebre. den buyten

* h. Mamre

14

⁺Als nv Abram hoorde, dat Loth zijn broeder geuangen was, wapende hi zijn eygen ghereede knechten .ccc. ende .xviij. in zijn huys gheboren, ende iaechde hen na tot Dan,

+ C

15

ende deylde hem, ende viel des nachts op hen, met sinen knechten, ende sloechse ende iaechdese tot Hoba, die ter slincker siden der stadt Damascus leyt,

16

ende brochte al die haue weder, oock Loth sinen broeder met zijnder hauen, oock die vrouwen ende dat volck.

17

⁺Als hi weder quam vanden slaghe des Kodorlaomor, ende der coningen die met dien waren, ghinc hem tegen die coninc van Sodoma, in dat velt dat Tsconincks dal heedt,

+ D

[p. a6v]

18

Maer Melchizedech die coninc van Salem bracht broot ende wijn voort, Ende hi was een Priester Gods des alderhoochsten,

19

ende ghebenedide hem, ende sprack, Abram, zijt ghebenedijt den alder hoochsten Gode, die hemel ende aerde besidt, ⁺

+ Hebre. vij.

20

ende gelouet si God die alder hoochste, die v vianden in v hant besloten heeft Ende dien gaf Abram de tiende van al den buet.

21

Doen sprac die coninc van Sodoma, tot Abram, gheeft mi de zielen, de haue behout v,

22

Maer Abram sprac tot den coninc van Sodoma, Ic heffe op mijn handen tot den HEERE den alder hoochsten God die hemel ende aerde besidt,

23

dat ic van alle dat v is niet eenen draet, noch eenen schoenriem nemen en sal, dat ghi niet en segt, Ic heb Abram rijc ghemaect,

24

wtghenomen, dat die iongers verteert hebben, ende die mannen Aner, Escol, ende Mamre, die met mi getoghen zijn, laet die haer deel nemen.

§ Hoe Abram ten derdenmale die belofte ontfinc, dat hem God dat lant ghaf ende hem voorseyde, dat zijn zaet in een vremt lant dienen soude, ende wederom van daer verlost worden