De Vorsterman Bijbel

§ Dat .xiij. Capittel.

1

⁺ALso troc Abram opwaert wt Egipten, hi ende zijn wijf, ende alle dat hi hadde, ende Loth oock met hem, ten zuydenwaert,

+ A

2

Maer Abram was zeer rijc, van veel siluers ende gout,

3

ende trock voort aen, al den wech weder om, dien hi gecomen was, van tzuyden, tot Bethel aen die stede daer eerstwerf zijn wooninge was, tusscen Bethel ende Hai,

4

in die selue plaetse, daer hi te voren, den altar gemaect hadde, Ende hi aenriep aldaer den naem des HEEREN.

5

Ende Loth die met Abram was, had ooc scapen ende runderen ende tenten,

6

Ende dat lant en mochts niet verdraghen, dat si beyde bi malcanderen mochten woonen, want haer goet was so vele, dat si met malcanderen niet en consten woonen,

7

Ende daerom wasser twist tusschen den herderen des vees van Abram, ende tusschen de herderen van Loths vee. Ende tot dien tiden woonden in dat lant ooc Cananiten en Pherisiten.

8

⁺Daerom seyde Abram tot Loth, En laet gheenen twist wesen tusscen mi ende v, ende tusscen mijn ende uwe herders, want wi zijn gebroeders,

+ B

9

Siet, al tlant is voor v open, Sceyt v van mi bd ic v Wildy ter slincker gaen, so wil ic ter rechter,

[p. a6r]

oft wildy ter rechter, so wil ick ter slincker,

10

Doen hief Loth zijn ooghen op, ende omsach alle die palen vander Iordanen, Want eer God Sodoma ende Gomorra verderf, ⁺ waren si rijc van water, tot datmen te ^* Zegor) coemt, gelijck Gods ^* paradijs) ende gelijc als Egipten lant.

+ C

* the. Zoar.

* thebre. hof

11

Alsoo koos Loth al die palen aen die Iordane, ende troc wech ^* vanden) oosten, Also sceyde hem die een broeder vanden anderen,

* th. teghent

12

Dat Abram woonde int lant Canaan, ende Loth inden steden vanden seluen palen omtrent der Iordaden, ende stelde zijn wooninge te Sodoma,

13

Maer die luyden van Sodoma waren erch ende sondichden zeere tegen den HEERE.

14

Als hem Loth nv van Abram gescheiden had, sprac de HEERE tot Abram, ⁺ Heft v oogen op, ende siet van deser steden aen daer ghi woont, noortwaert zuytwaert, ende oostwaert, ende westwaert,

+ D

15

want al dat lant dat ghi siet, sal ic v geuen, ende uwen zade eewelic,

16

ende sal v zaet maken gelijc den stof der aerden, Kan een mensche tstof der aerden getellen, die sal v zaet ooc tellen,

17

daerom staet op ende trect door dat lant, in de lengde ende breide, want v wil ict geuen.

18

Dus hief Abram zijn tenten op, ende quam woonen int dal ^* mambre) dat te hebron is, ende timmerde daer den HERE eenen altar

[afbeelding]

* h. Mamre

§ Hoe Loth geuangen wert, ende Abram hem verlost, ende Melchizedech broot ende wijn bracht ende hebenedide hem.