De Vorsterman Bijbel

§ Dat .iij. Capittel.

1

⁺ENde tserpent was listiger dan alle dieren des aertrijcs, die Godt die HEERE gemaect hadde, ende tsprac totter vrouwe Waerom heeft v Godt verboden, dat ghi niet en sult eten van alderley boomen des ^* Paradijs?)

+ A

* thebr. hofs

2

Doen sprac die vrouwe totten serpente, Wi eten vanden vruchten der boomen des ^* Paradijs)

* thebr. hofs

3

Maer vanden vruchten des booms, die midden int paradijs is, heeft ^* ons God geboden, Dat wi daer niet af en [kolom]

[afbeelding]

souden eten, ende ooc dat niet aenroeren, dat wi ter auentueren niet en souden steruen.)

* h. God geseyt en etet daer niet af, en roeres ooc niet aen datghi niet en steruet.

4

Ende tserpent sprac totter vrouwe, Ghi en sult die doot gheensins steruen,

5

want God weet, dat inden welcken dage, dat ghi daer af eten sult, so sullen uwe oogen ^* geopent) worden, ende sult zijn, als ^* goden) ende weten wat goet ende quaet is.

* th. wacker

* the. Godt

6

⁺Dus sach die vrouwe, dat dien boom ghoet was, om daer af te eten, ende schoon den oogen ^* lieflijc te aensien) Ende si brac die vrucht af, ende adtse, ende si gaf haeren manne ooc daer af, Ende hi adt,

+ G

* th. dat een lustige boom was want hy cloeck maecte.

7

Doen werden haer beyder oogen ^* geopent) Ende doen bekenden si, dat si naect waren, ende vlochten vijchbladeren, ende maecten hen voorschooten.

* th. wacker

8

Ende ^* si hoorden, die stemme Gods des HEEREN wandelende inden paradise) ter coelten nae den middach, Ende ^* Adam) borch hem met sinen wiue, vanden aensichte Gods des HEEREN, onder die boomen ^* int paradijs)

* h. si hoorden dye stemme Gods des Heeren inden hof ghaen

* (Adam) verduytst een mensche.

* h. inden hof

9

Ende God die HEERE riep Adam, ende seyde hem, Waer sidy?

10

Ende hi sprac, Ick hoorde uwe stemme ^* int paradijs) ende vreesde, om dat ic naect was, ende daerom borchde ic mi.

* h. inden hof

11

Ende ^* die HEERE) seyde, Wie heuet v gheseyt, dat ghi naect zijt? ^* Dan dat ghi hebt gegeten) vanden boom daer ic v af geboot, ghi en soudt daet niet af eten?

* thebre. hi

* th. En hebdy niet geten

12

Doen sprac Adam, Dat wijf die ghi mi ^* gegeuen hebt tot eender gesellinne) gaf mi vanden boom, ende ic adt,

* h. toegegeuen hebt

13

Ende God die HEERE sprac tot den wiue, Waeromme hebdy dat ghedaen? Dat wijf antwoorde, Tserpent veruinck mi, ende ick adt.

[p. a2v]

14

Ende God die HEERE sprac totten serpente, Want ghi dit gedaen hebt, suldy zijn vermaledijt, onder alle vee ende dyeren ^* der aerden) ghi sult op uwe ^* borste) gaen, ende ^* aerde) eten al v leuen lanc,

* h. des velts

* the. buyck

* thebre. stof

15

Ende ic sal viantschap setten tusschen v ende den wiue, ende tusschen uwen zade, ende haeren zade, ^* Si) sal v hooft vertreden, ende ghi sult ^* zijnder verssenen lagen legghen.)

* th. ditselue

* h. hem inde versenen bijten

16

Ende totten wiue sprac hi ^* Ic sal uwe catiuicheden vermenichfuldigen, ende uwe ontfanckenissen) Ghi sult v kinderen in ^* weedom) baren, Ende ghi sult wesen onder des mans machte, ende hi sal ouer v heerschapie hebben.

* h. Ic sal vermenichfuldigende vermenichfuldigen uwen commer ende v beuruchtingen

* th. commere

17

Ende tot Adam seyde hi, Om dat ghi verhoort hebt ws wijfs stemme, ende hebt gegheten vanden boom, daer ick v af ^* gheboot) ghi en sult daer niet af eten, vermaledijt si ^* die aerde in uwen wercken,) met ^* arbeyde) suldy daer af eten, al uwe leuen lanc

* gebiedende seyde

* h. den acker ou uwent wille

* the. commer

18

Doornen ende dijstelen sal ^* si) v dragen, ende ghi sult tcruyt der ^* aerden) eten,

* thebree. hi

* h. des velts

19

Inden sweete ws aensichts, suldy v broot eten, tot dat ghi weder aerde wort, daer ghi af genomen zijt, ☞ want ghi zijt stof, ende sult weder stof worden.

20

⁺Ende Adam hiet zijns wijfs naem Eua, daerom dat si een moeder is alder leuendigen,

+ D

21

Ende Godt die HEERE maecte Adam ende sinen wiue, rocken van vellen, ende trocse hen aen,

22

ende ^* sprac) Siet, Adam is geworden als onser een, ende weet wat goet ende quaet is, Maer nv, dat hi niet wt en steke zijn hant, ende breke ooc vanden boom des leuens, ende ete ende leue eewelijck.

* h. God die HEERE sprack (Hai heet dat lenen, daer af comet Hena oft Hana, leuen ofte leuendige

23

Ende God die HEERE liet hem wt den ^* paradise der weelden) dat hi die aerde soude bouwen, daer hi af genomen was,

* th. hof der wellusticheyt

24

Ende dreef Adam wt, ende stelde voor den ^* paradise) der wellusticheyt Cherubim, ende een vlammich wederblinckende swaert, om te bewaren den wech tot den boom des leuens.

* th. hof

§ Hoe dat menschlike geslachte vermenichfuldicht wert Adam ende Eua in Cayn ende Abel, Ende hoe Cayn Abel versloech, ende Cayn vluchtede.