De Vorsterman Bijbel

§ Dat .ij. Capittel.

1

⁺ALsoo wert volmaect ^* hemel ende aerde) met ^* alle haer vercieringe,)

+ A

* the. de hemelen ende daerde

* theb. allen haren heyre

2

Ende alsoo volmaecte God ten seuensten dage zijn werc dat hi gemaect hadde, Ende hi ruste ten seuensten daghe van alle zijn wercken die hi ghemaect hadde,

3

Ende ^*) gebenedide den seuensten dach, ende heylichde dien, Want hi ten seuensten daghe rustede van alle zijn wercken die God schiep ende maecte.

* the. God

4

Dit zijn die geboorten des hemels, ende der aerden, als si geschapen waren, ter tijt, als God hemel ende aerde maecte,

5

eer dat yewers een spruytken opter aerden was, oft yewers eenich cruyt op den velde wies, Want God die HEERE en hadt noch niet laten regenen opter aerden, Noch daer en was gheen mensche die dat landt bouwen soude,

6

Maer een ^* fonteyne) ghinc op vander aerden, ende maecte vochtich alle dlant.

* theb. neuel

7

⁺Ende God die HEERE maecte den mensche ^* van tslijm) der aerden, Ende blies hem int aensichte eenen leuenden adem, Ende also werdt die mensche een leuende ziele.

+ B

* the. van stof oft clotte

8

Ende Godt die HEERE hadde gheplant ^* tparadijs der wellusticheyt vant beghin) ende settede den mensche daer in, dien hi gemaect hadde.

* theb. eenen hof der wellusticheyt teghen den oosten

9

⁺Ende God die HEERE liet opwassen vander aerden alderley boom lustich te aensien ende ^* soet) te eten, ende den boom des leuens midden in den ^* paradise) ende den boom des kennissen des goets ende des quaets.

+ C

* the. goet

* the. hof

10

Ende daer ginc vande plaetse der wellusticheyt een riuiere, om te veruerschen ^* tparadijs) ende wert gedeylt aldaer, in vier hooft wateren.

* the. den hof.

11

Deerste heet ^* Phison) ende loopt al om dlandt van Heuilah, ende aldaer ^* wast) gout,

* the. Pison dat is dwater in Indien, datmen Ganges heet want Heuilah is in Indien

* th. vintmen

12

ende dat gout des landts is

[p. a2r]

costelijc, ende daer ^* wast) Bedellium, ende den edelen steen Onix,

* th. vintmen

13

Dat ander water heedt ^* Gion,) dat vliet alom tgheheele Moorenlant.

* th. Gihon (dat is dat water in Egipten nilus geheeten.

14

Tderde water heet Tigris, ⁺ dat vliet ^* voor Assyrien) Tvierde water, Euphrates. ⁺

+ (tygris) is dat water in assirien dat int he. Hidekel is genaemt.

* the. tegent oosten van Assur.

+ (Euphrates is tnaeste water in Syrien.

15

Ende God die HEERE nam den mensche ende settede hem ^* int Paradijs) der wellusticheyt, dat hi, dat bouwen ende bewaren soude.

* th. inden hof

16

Ende God die HEERE geboot den mensche ende seyde, Van allen boomen des Paradijs suldy eten,

17

Maer vanden boom der kennissen des goets ende des quaets, en suldy niet eten, Want wat daghe, ghi daer af eten sult, suldy, den doot steruen.

18

Ende God die HEERE sprac, Ten is niet goet, dat die mensche alleen si, Laet ons hem een hulpe make ^* die hem ghelijck si.)

* th. voor hem

19

Als God die HEERE gemaect hadde vander aerden alderley dyeren des veldts, ⁺ ende, alderley vogel des hemels, brocht hise tot Adam dat hi saghe, hoe hise noemen soude, Want soo Adam alle leuende zielen genoemt heeft is haeren naem.

+ D

20

Ende Adam ghaf eenenyegelijcken vee, ende voghelen des hemels, ende den dyieren des veldts sinen naem, Maer men en vant Adam gheen hulper ^* die hem ghelijck was.)

* th v.oor hem

21

Doen ^* sandt) Godt die HEERE eenen grooten vaec op Adam ^* ende doen hi in slaep was, nam hi) een van sinen ribben, ende sloot die stede toe met vleesche,

* h. liet vallen

* the. hi sliep Ende hi nam mat. xix.a Mar. x.a. Ephe. v.d. i.cor, vi.d.

22

ende God die HEERE timmerde een wijf van die ribbe, die hi van Aadam nam, ende brachtse tot hem.

23

Doen sprack Adam, Dat was een been van mijnen beenen, ende vleesch van minen vleesche, Men salse manninne heeten, daer om ☞ dat si vanden manne ghenomen is,

24

Daeromme sal een man sinen vader ende zijn moeder verlaten, ende aen zijn wijf houden, Ende si sullen zijn twee in eenen vleesche.

25

Ende si waren allebeyde naect, tewetene, Adam ende zijn wijf, ende si en schaemden hen niet.

§ Hoe tserpent den mensche bedrooch, ende vermaledijt wert Ende hoe Adam ende Eua wt den Paradise verdreuen werden.