Vlissings redens lust-hof, beplant met seer schoone en bequame oeffeningen

[fol. Ll2r]

Veere.

Op de Stemme: Van den ix Psalm.

1

COmt Broeders comt, comt hier by mijn,
En laet ons t'samen vrolijck zijn:

En onsen Godt, niet om vol prijsen

Die onse ziel eeuwigh wilt spijsen.

2

Compt, compt, drinckt van dat water reyn,
Dat vloeyt uyt des levens Fonteyn,

Drinckt droncken van dien wijn verheven,

Soeckt 't soet begin van 't eewich leven.

3

Godt is ons wapen, en ons schilt,
Voor dien die ons bestormen wilt,

Dies vrees ick niet in geene dinghen,

Alwaert dat Hemel, en aerd' verginghen.

4

Ons Hooft sit boven inden throon,
Dats Christus, Godes eenich Soon,

Bidd' staegh voor ons wy zijn sijn leden,

Gaet tot sijn Huys stort u gebeden.

Prince.

5

Hoe seer dat nu den Satan vroedt,
En vreest hem niet, weest wel ghemoedt,

Noch hoocht, noch diept, en can ons hindren,

Godt is met ons, wij zijn sijn Kindren.

Memento Mori.

C.D. Rompel, 1641.