Verloren Sone
(1908)–Anoniem Verloren Sone–
Auteursrecht onbekendHoe den verloren Sone al zijn goet onnuttelijcken met dobbelen ende lichte vrouwen overbrenghtGa naar voetnoot2). | |
En hoe hem die vrouwen naeckt ontcleeden, ende wech iaechden.MEt de voorseyde iuweelen ende ghelt is den verloren Sone terstondt in 't Bordeel ghegaen by den Roeckeloosen by t'Verdorven kindt ende by de vrouwen die hem seer blijdelijcken ontfinghen. Met de welcke hy alle sijn gheldt ende juweelen onnuttelijcken overghebracht heeft met Dobbelen spelen ende hoveren, triumpheren ende met wech gheven, als dat hy ten lesten gheldt noch pandt en hadde, ten was al verteert ende omghebracht. Ende de Roeckeloose nu siende dat den verloren Sone gheen ghelt noch pant meer en hadde, seyde tot de Weerdinne aldus: | |
[pagina 20]
| |
 OrsaGa naar voetnoot1) Weerdinne ghy siet hoe 't gaet
Met mijns Jonckers staet
Nochtans om te verlatenGa naar voetnoot2) de somme
Van t'ghene dat hy verteert al omme
Met spelen ende met vrouwen triumpheren
En sal hy t'ghelt niet moghen finerenGa naar voetnoot3)
Maer hy is noch wel in 't habijt
Uwen ghast dit adverterende zijt
En al naeckt doet hem ontcleeden
Dan laet, hem loopen, dat hem moet geleeden
Den duyvel vander hellen.
| |
[pagina 21]
| |
De Weerdinne.
Wy sullent soo stellen
Dat hy van hier scheyden sal sonder falen
Int hemde oft hy sal my betalen
CrijghetGa naar voetnoot1) t'ghelt daer hy 't crijghen mach.
Sa Heere betaelt my sonder verdrach
Rasch siet dat ick betaelt sy.
Den verloren Sone.
Roeckeloose betaelt haer ghy
Terstont sonder langher dralen.
De Roeckeloose.
T'is waer, maer waer salmen t'gelt halen.
Den verloren Sone.
Waer is al t'ghelt bleven
Dat ick u metten silver hebbe ghegeven
Siet dat ghy haer te vreden stelt.
De Roeckeloose.
Vits bloetGa naar voetnoot2) silverwerck ende t'ghelt
Is al verspeelt ende verteert met de vrouwen.
Den verloren Sone.
Dat mach niet zijn in trouwen
Soo veel gelts ende soo veel silver in so corten tijt.
De Roeckeloose.
T'is, ende van dien ghy noch tachter zijt
Thien croonen van gouwen.
| |
[pagina 22]
| |
Den verloren Sone.
Hoe Roeckeloos wildy dan houwen
T'gene dat ghy hebt ghewonnen op my
De Roeckeloose.
Dat is sonder syGa naar voetnoot1).
Soudy dat weder te hebben meenen?
Den verloren Sone.
Neen ick in trouwen, maer gy sullet my leenen
Om de vrouwe te betalen daer met.
T'verdorven kindt.
Niet een mijteGa naar voetnoot2) in vieren ghespletGa naar voetnoot3)
Sy souden sot zijn die dat bestonden
Want dat gheldt dat is ghewonnen
En leent men niet gheerne.
De Roeckeloose.
Ick seght in gheenen scheerneGa naar voetnoot4)
Leen ick u een mijte quade doodt moet ick sterven.
Den verloren Sone.
Waer sal ick dan ghelt verwerven
Ghy moet my bystaen in desen staet.
De Roeckeloose.
Op my en hebt gheen verlaet
Want ick u gheensins en sal
Leenen ghelt noch pant, ende al
Dat ick ghewonnen hebbe sal ick houwen.
| |
[pagina 23]
| |
Lustich gheestken.
Wat mooghdy al brouwen
Heere wat batet nu ghesorcht.
De Weerdinne.
Na dat u niemant en verborcht
Soo suldy hier laten u habijt
Want sonder respijt
Wil ick betaelt zijn eer ghy van hier sult scheeden.
Den verloren Sone.
Soo moet ghy my dan ontcleeden.
De Weerdinne.
Wy sullen u liever al af rapen,
Totten hemde toe sonder blijf
Dan ghy niet betalen en soudt vuyl katijfGa naar voetnoot1)
Men sal u leeren triumpheren.
Lodderlijck dierken.
En vuylbruytGa naar voetnoot2) wildy vrouwen hanteren
En t'goeykenGa naar voetnoot3) quisten met groote hoopen
Sa, sa laet ons hem wt stroopen
Dese cleeren en daer met ghedaen.
De Weerdinne.
Nimmermeer en moet ic vande stede gaen
Noch broot steken in mijnen mont
En neem ick hem al terstont
Dat hy aen heeft die vuyle slabbaert.
| |
[pagina 24]
| |
Die verloren Sone.
En neemt my toch niet dan den tabbaert
Ende laet my dwambeys ende cousen.
Die Weerdinne.
Hoe ghijt keert oft went
T'moeter al blijven cousen en wambeys met
Nu dat ghy t'onser ghenaden zijt ghesedt.
Her, her treckt hem al uyt sonder spoet.
Lustich gheestken.
Sa ioncker licht den voet
Want ghy moetet hier al laten
Maer uyt charitaten
Meuchdy aentrecken dees oude brockijnsGa naar voetnoot1)
Inder manieren vande kockijnsGa naar voetnoot2)
Noch eert men u te seere.
Lodderlijck dierken.
En hy willet maken den Heere
Hout daer treckt ane
Dees Leerskens dan loopt uwer banen
En weest noch amoureus.
Den verloren Sone.
Och valsch mensch waerom en comt niet fleusGa naar voetnoot3)
Die doot u berooven met felder natienGa naar voetnoot4)
Van d'leven onbeschentGa naar voetnoot5) en rigoureus
Vermaledijt niet weerdich der gratien
Te leven inder werelt statien,
| |
[pagina 25]
| |
Och wat heb ick ghestroyt, gheschintGa naar voetnoot1)
Ick mach wel heeten t'verloren kint
Ende van elcken verstekenGa naar voetnoot2) zijn.
De Weerdinne.
Gaet, gaet vuyl cockijn
En vertelt wat ghy hier hebt vernomen.
Den verloren Sone.
Och Godt moest ick hier toe comen
Des mach elck van my wel walghen
Och al hinghmen my aen eender galghen
Soo hadde ick mijn recht gheheelijck
Want een regiment seer leelijck
Heb ick gheleyt het welck my rout.
Lustelijck gheestken.
Packt u wech vuyl catijf.
Lodderlijck dierken.
Wech, wech, vuyl raboutGa naar voetnoot3)
Comdy soecken te glorierenGa naar voetnoot4)
Bancketten maken ende goede ciere
Sonder te hebben om te volbringhenGa naar voetnoot5).
De Weerdinne.
Den duyvel moestenGa naar voetnoot6) hier met springhen
Dat segh ick u en niemandt elGa naar voetnoot7).
| |
[pagina 26]
| |
Lustich gheestken.
Wy connen onderhouden wel
Met blijschappen onghetreurt
Soo langhe alst geldeken duert
Aldusdanighe sotten.
Die Weerdinne.
Met lacchen met spotten.
Lodderlijck dierken.
Tot dat t'geldeken is verdaen.
Lustich gheestken.
Nu ioncker ghy meucht wel gaen
Oft loopen, want ghy en zijt niet verladenGa naar voetnoot1)
Aen uwe cleeren.
De Weerdinne.
Men sal hem leeren
Metten vrouwen stoven en badenGa naar voetnoot2)
Al was hy wilt, hy is nu die ghetemde.
Lodderlijck dierken.
Hoe moocht ghy badtGa naar voetnoot3) int hemde
Ghestelt zijn
Wy en willen niet langher ghequelt zijn
Met hem, nu t'ghelt verteert is,
Want de geldeloose met niemant weertGa naar voetnoot4) is
Dus mijn Joncker wilt verharenGa naar voetnoot5)
Sonder sparen
Eer daer wat op u backhuys comt gevloghen.
| |
[pagina 27]
| |
Den verloren Sone.
O duyvel ghy hebt my verleydt ende bedrogen
Dats my nu kennelijck voorwaer
In dese catijvicheyt swaer
Nimmermeer en sal ick my dorven vertooghen
Noch comen voor die ooghen
Mijns Vaders, noch comen t'sijnen huyse binnen
Och my dunckt ick sal ontsinnenGa naar voetnoot1)
Aenmerckende mijn sondich bestaen
Och wat sal ick aengaen
My dunckt ick sal op der straten hier
Van hongher sterven schier
En al mocht ick my te dienen keeren
Ick ben veel te qualijck in de cleeren
Want ick heel naeckt ben en bloot
Och waerom en comt niet de doot
Dat sy my haelde uyt dese allendeGa naar voetnoot2)
Vermaledijt sy mijnder dwaesheydt bewendeGa naar voetnoot3)
Och sorghelijcke compaignie
Vol oneeren en vileynieGa naar voetnoot4)
O fenijnighe putijnenGa naar voetnoot5) quaet
Thoonende van minnen t'ghelaet
Maer t'is al bedroch
Dat merck ick nu wel, och, och
Soo langhe als duerde mijn ghelleken
Wast al: mijn Jonck-heere en lief geselleken
Maer nu sijt my al quijt hebben gemaeckt
Ben ick tot den hemde toe naeckt
Versmadelijck verdreven veriaecht
| |
[pagina 28]
| |
Maer wat batet vele gheclaecht
Ick moet gaen soecken met allinden
Oft ick niemanden can vinden
Dat ick toch mochte den cost rapen
Al soude ick in stroo slapen
En teghen den hongher en dorst groot
Water drincken en eten drooch broot.
|
|