Veelderhande gheestelicke liedekens

C Na de wijse. Waer machse zijn die my doorstraelt sin ende moet.

VErhuecht met my
Die door Christum troost begheert
Weest vro en bly
Uwen paeys is gheconcludeert
Uerneert, casseert
Den druck in allen stonden
Want Christus is nv
Ghestoruen voor ons sonden
Dus anxt en gru
Weert verre van v
Maer weest der werelt schu.

Der basuynen gheclanck
Is ghehoort in allen landen
Ury sonder bedwanck
Ontslaet hy onse banden

[p. 378]

 

Sijn bloet, seer soet

 

Heeft ghenesen ons allen

 

Uan des duyuels macht

 

Beurijt voor weder vallen

 

Sijn groote cracht

 

Heeft hy tonder bracht

 

Ons lijden gheheel versacht.

 

 

 

Siet dat ghy zijt

 

Dancbaer van zijn ghenade

 

Aenmerct den strijt

 

Bidt waect vroech ende spade

 

Als kint, bemint

 

U viant tallen stonden

 

Al doense v groot leet

 

En zijt doch niet beuonden

 

Wraeckghierich en wreet

 

Om wreken bereet

 

Haelt in Gods woort bescheet.

 

 

 

Prince valliant

 

Christus die coemt stellen

 

Ter rechter hant

 

Ontsleghen vander hellen

 

Ons gheest, tempeest

 

Om uwen name wilt slaken

 

Onse boosheyt quaet

 

Een nieu herte wilt ons maken

 

Uan mijn misdaet

 

My Heere ontslaet

 

Sterckt my God al come ick laet.