Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Laet ons den Lantman louen.
O God al vanden throone
Sijn sy niet sot en dul
Den Bel beluyckende schoone
Den goeden vetten smul
Haer costelicke tresoren
Al teghen Gods ghebot
Hoe hooghe hoe edel gheboren
Bedrijuen sulcken spot
Want tzijn sotten meer dan sot.
Die meester maect een beelde
Na swinckels maten ees
Hy brenght hem tzijnder weelde
Ia tzijnder baten vlees
Boter keese en eyeren
Dat is des smakers God
Al zijnt ter weerelt vleyeren
Sy bedrijuen sulcken spot
Want tzijn sotten meer dan sot
Sy hebben nuesen om riecken
En voeten sy en connen niet gaen Ga naar margenoot+
Men versoectse voor die siecken
Sy en hebben gheen baet ontfaen
Sy staen begout bepeerelt
Al zijn sy vort en rot
| |
[pagina 350]
| |
Sy zijn schoon al voor die weerelt
Maer walghelick voor God
Want tzijn sotten meer dan sot.
Het zijn gherekent slichten
Die binnen der sonnen schijn
Gaen ontsteken lichten
Uoor die ghene die niet en sien
En spijse draghen om teten
Die noyt en hadden beschot
Noch hebben sy haer vermeten
Te houden sulcken spot
Want tzijn sotten meer dan sot.
Die haer te cruypen pooghen
En voeten hebben om gaen
Stuypen, nijghen en booghen
Ga naar margenoot+ Uoor blocken die daer stom staen
Hout steenen sy becleyden
Sy ontrecken den armen tlot
Die weerelt sy verleyden
Met haren valschen spot
Want tzijn sotten meer dan sot.
Als sy in quellagie leuen
En haecken na den tijt
Al tot beuaerden sy sneuen
Al om te worden quijt
Al tot die stomme afgoden
Int Babylonissche cot
Tis teghen Gods gheboden
Schout ghy alsulcken spot
Want tzijn sotten meer dan sot.
Den Psalm hondert vijfthiene
Diemen ten propooste leest
Ghy wijse van engiene
U siel hier by gheneest
Leest Baruch in zijn leste
Daer vindy tbeste slot
En Daniel in zijn seste
| |
[pagina 351]
| |
Schout ghy alsulcken spot
Want tzijn sotten meer dan sot.
|
|