Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Ick hadde een ghestadich minneken.
O Heere al inder eewicheyt
Hoe zijn wy dus verstoort
Want het al in v voorsienicheyt
Uoorsien is cleyn en groot
Uander gheboorte tot inder doot
O Heere almachtich Uader
Leert ons allegader
U belijden in onsen noot. Ga naar margenoot+
Wy zijn so seer sorchfuldich
Al in dit eertsche pleyn
In lijden onuerduldich
Wy en weten niet certeyn
Uan dat ghelooue reyn
O alder ghenadichste Heeren
Willet ons toch leeeren
Want ghy hebt die macht alleyn.
Dat gelooue is groot en machtich Ga naar margenoot+
Dat segghe ick voorwaer
Het maect den lammen crachtich
Den blinden siende claer
Het is Gods gaue voorwaer Ga naar margenoot+
O Heere van alder weerden
Leert ons toch volheerden
Int ghelooue voor ende naer.
O ghelooue sonder mincken
Wel te recht sidy vermaert
O Heer wilt ons ghedincken
Int ghelooue na uwen aert
Ons int ghelooue bewaert
O Uader tot allen vren
Ghedenct v creaturen
Al in der henen vaert.
O ghy gheuer van alle goeden
| |
[pagina 352]
| |
En verlaet ons nemmermeer
Maer wilt ons toch behoeden
Uan alle valsche leer
Na v staet alle ons begheer
O Christus alle mijn bede
Ist dat ghy ons gheeft vrede
Door tgheloof aen onsen Heer.
|
|