Veelderhande gheestelicke liedekens

C Na de wijse. Hoort al tsamen bidt ende waect.

O Heere aensiet toch al mijn lijden groot
Gheeft my nv stercheyt in deser noot
Op dat ick niet en beswijcke
Maect my volstandich tot inder doot
⁺ Dat ick van v waerheyt niet en wijcke.

Op God staet alle mijn hope alleyn
Maect my van alle mijn sonden reyn
⁺ Wilt mijn ghelooue vermeeren
Uan v coemt alle mijn hulpe ghemeyn
O almachtich Heere der Heeren.

O Uader vergheeft my alle mijn schult
Ick weet dat ghy my niet verlaten en sult
⁺ Maect my doch los van mijnen sonden
Ghy hebt my met uwen gheest veruult
Wie can v goetheyt doorgronden.

O Heere van v coemt alle mijn salicheyt
⁺ Wilt my verlossen, niet langhe en beyt
Mijn stercte mijnen steen verheuen
⁺ Mijn toeulucht heb ick op v gheleyt
Ghy en sult my nemmermeer begheuen.

O God mijn siele is my bedroeft
U Goddelicke hulpe sy behoeft
⁺ Mijnen steen waerom hebdy my verlaten
Helpt my o Heere niet en vertoeft
⁺ Want vele zijnder die my haten

⁺ Wat bedroeft ghy v siele mijn
Waerom wilt ghy in my so truerich zijn
Stelt v betrouwen op den Heere
Ghy sult noch aenschouwen zijn claer aenschijn
Uwen druck sal in blijschap verkeeren

⁺ Ghy gheloouighen weest nv verblijt
Al ist dat ghy cleyn van ghetale zijt
⁺ Wie can v deeren ofte letten
⁺ Ist dat God den Heer voor ons strijt

+ Mat.10 24

+ Luc.17

+ Mat.6.

+ Psal.62

+ Psal.18

+ Psal.42

+ Mat.10

+ Psal.43

+ Ioan.16.

+ Luc.12

+ Rom.8

[p. 349]

 

Wie wil hem teghen ons dan setten.

 

 

 

Die Heere is stercker dan casteel of slot

 

O Heere weest my een beschermende God

 

Teghen alle mijn boose vianden

 

Ghy zijt o Heere mijn deel en lot ⁺

 

Uerlost my vander leeuwen tanden. ⁺

 

 

 

O Heere machtich inden strijt ⁺

 

O hooftman Israels die ons beurijt ⁺

 

O God na v heb ick verlanghen

 

Uwen dienaer die hier veruolghinghe lijt

 

Wilt hem toch in v rijck ontfanghen.

+ Psal.16

+ Psal.22

+ Psal.24

+ 4.Esd.16