Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Uan dry Brugghelinghen.
Ga naar margenoot+ MIin siele loeft den Heere
Want hy heeft so heerlick ghedaen
Ga naar margenoot+ Loeft ende prijst hem seere
Die v in zijn ghenade heeft ontfaen
Die v dede zijn woort verstaen
Die v leyde op die rechte baen
Tot den eewighen leuen aen.
Ick socht hem in duysterheden
Ga naar margenoot+ Die mijn siele so seer bemint
| |
[pagina 287]
| |
Ick en vant hem tot gheender steden
Doen ick vleesschelick was ghesint Ga naar margenoot+
Als ick was der weerelt vrint Ga naar margenoot+
Ende volchde den leyders blint
Na den wille vant verloren kint.
Och waer sal ick hem gaen soecken
Die my so lief heeft ghehadt
Ick en vinde hem in gheenen hoecken
Uander Babylonische stadt
Want haer herders zijn droncken en mat
Sy verlaten den rechten padt
Ende soecken al der weerelt schadt.
O ghy hoochste herder verheuen Ga naar margenoot+
Bouen alle herders fijn Ga naar margenoot+
Wilt my doch te kennen gheuen
Waer v wellustighe weyden zijn Ga naar margenoot+
O hemelsche medecijn
Lauet my met uwen claren wijn
Plant v liefde recht int herte mijn.
Tot der schrift dat ick my keerde
Seer verblint was mijn verstant
Maer den gheest Gods die my leerde
Die leyde my metter hant
Tot in des vaders lant
Daer ick Christum den Heere vant
Een so lieffelicken ionghelinck playsant.
In Esdre vant ick gheschreuen Ga naar margenoot+
Hoe dat desen ionghelinck fijn
Op Syons berch verheuen
Croonde die wtuercoren zijn
Doen dacht ick o soet aenschijn
Mocht ick oock deelachtich zijn
Dat goet der wtuercoren dijn.
Soect my ghy sult my vinden Ga naar margenoot+
Wt dese woorden verstont ick dat
Die Gods woort doen dat zijn zijn vrinden Ga naar margenoot+
So ick las in een ander blat
| |
[pagina 288]
| |
Ga naar margenoot+ Elders stont van die heylighe stadt
Ga naar margenoot+ Die den Enghel metter maten mat
Maer dese woorden en verstont ick niet plat.
Wat stadt mach toch dit wesen
Dacht ick menichmael in mijn ghemoet
Het is Gods ghemeynte ghepresen
Dit leerde my die gheest Gods goet
Maer sy is ouerdect met bloet
Door het lijden datmen haer doet
Om tghetuyghenisse van Christo soet.
O ghy schoonste onder den wijuen
Hoe staet ghy hier dus mismaect
Waerom wiltmen v dus verdrijuen
Daer ghy altijt na vrede haect
Weten sy niet dat die v ghenaect
Ga naar margenoot+ Dat hy den ooghappel gheraect
Uanden Heere die v heeft ghemaect?
Ick heb sprack sy die schoone
Uoor die weerelt ghetoont die rechte leer
Maer die wachters van Babels throone
Die wonden ende sloeghen my so seer
Nochtans en swijghe ick nemmermeer
Te vercondighen den lof ende eer
Uan mijnen bruydegom God ende Heer.
O ghy schoonste onder den vrouwen
Hoedanich is toch uwen vrint
Och mocht ick hem eens aenschouwen
Ga naar margenoot+ Die mijn siele so seer bemint
Doen sprack sy o lieue kint
Uanden hemel hemels ghesint
Een sodanighen is mijnen vrint.
O ghy schoonste onder den vrinden
Ga naar margenoot+ Die my v liefde hebt gheiont
Mocht ick v daer buyten vinden
Ende cussen aen uwen mont
O Heere maect mijn siele ghesont
En verlaet my tot gheender stont
| |
[pagina 289]
| |
Want ick begheer v van herten gront.
Doen ick hem hadde gheuonden
Den Heer der gheloouigher fijn
Doen begheerde ick te wesen ontbonden
Uan alle den valschen schijn
Al wat menschen leeringhen zijn
Die schoude ick ghelijck fenijn
Ende hielt my aen den rechten wijn.
Hoe wonderlick zijn uwe wercken Ga naar margenoot+
O Heer almachtighe Godt
Wilt my in uwer waerheyt stercken
Wapent my door v ghebodt
Weest my een vaste borcht en slot
Teghen al der weerelt spot
Want sy achten v kinderen sot. Ga naar margenoot+
Gods edele volck ghepresen
Is ter weerelt in groot gheween Ga naar margenoot+
Ueruolcht ter doot verwesen
Ghelijck den verworpenen steen Ga naar margenoot+
Mijn leuen moet worden ghemeen Ga naar margenoot+
Met desen lieden een
Want het is Gods volck en anders gheen.
Nv doet na Paulus rade
Hy doet ons een schoon vermaen
Dat wy des Heeren ghenade Ga naar margenoot+
Niet te vergheefs en souden ontfaen
Lieue broeders en wilt v niet verslaen
Als v alle menschen versmaen
Want so hebben sy altijt ghedaen.
Het moet doch also wesen
Hier op des weerelts termijn
Dat die quade worden ghepresen
En Gods kinderen veruolcht moeten zijn
Maer o alle ghy gheloouighe fijn
Ureest v niet voor druck en pijn
Want het sal noch eens al beter zijn.
Loeft den Heere der heyrscharen
| |
[pagina 290]
| |
Uan zijn groote bermherticheyt
God die quam int vlees hem openbaren
Dats een groote verholentheyt
Sijn schapen heeft hy selue gheweyt
So hy hadde toe gheseyt
Ga naar margenoot+ Loeft den Heere inder eewicheyt.
|
|