Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Ontspringht ghy gheestkens nv ter tijt.
ICk ben seght Christus de wech, de waerheyt claer Ga naar margenoot+
En al die my willen volghen naer
Moeten dees weerelt geheel verlaten
Want hy spreect wat soudt hem mogen baten
Die hadde al dees werelts rijkcdommen
En dat ghy schier, int eewich vier
Soudt moeten commen.
Gelijc God sprack totten rijcken wel verstaet
| |
[pagina 260]
| |
Ghedenct sone dat ghy goet hadt en Lazarus quaet
Nv heeft hy troost, en ghy hebt lijden
Want tusschen ons beyden is groot verscheyden
Wie daer is en coemt niet hier bouen
Noch van hier daer, tuycht Lucas claer
Tis al toe gheschouen.
Dus en wilt niet achten op tijdelick solaes
Op dat ghy die maechden niet en slacht die waren dwaes
Die gheen olie en hadden in haer vaten
Dat is die liefde vol charitaten
Sy en gingen metten bruydegom niet binnen
Al stonden sy, en clopten vry
Men lietse niet innen.
Wanneer den huysweert sal zijn opghestaen
En als hy zijn duere sal toe hebben ghedaen
En v daer buyten vint ghesloten
En dat ghy dan coemt, Heer doet ons open
Maer hy en sal v dan niet verhooren
Al roept ghy seer, tot hem o Heer
Tis al verloren.
Als ghy Abraham, Isaac, en Iacob me
En alle die Propheten siet trecken in vre
En ghy daer niet sult moghen comen
Maer als v die Heer sal daer verdomen
Hoe sult ghy meenen zijn thooren tontvlieden
Ten staetter niet, vaet dit bediet
Tsal so gheschieden.
Salich zijn de menschen, sprack Christus ouer al
Die hy also vint doende als hy weder comen sal
Hy salse al in zijn rijcke leyden
En daer een maeltijt haer gaen bereyden
En hem op schorten, en dienense verheuen
Uoor dat sy ient, tot inden ent
Sijn by hem ghebleuen.
|
|