Veelderhande gheestelicke liedekens
(1558)–Anoniem Veelderhande gheestelicke liedekens–
Auteursrechtvrij
[pagina 250]
| |
C Na de wijse. Rijck God wie sal ick claghen.
ICk hoorde een maechdeken singhen
Met een so soeten gheluyt
My docht aen hare dinghen
Dat het was der Cantiken bruyt
Ick stont een langhe poose
En hoorde na haren sanck
Met een so lieffelicken voose
Sanck sy haren bruydegom danck.
Lof, hoocheyt, prijs ende eere
Moet v van my gheschien
Mijn bruydegom, mijn God, mijn Heere
Dat ghy my quaemt besien
Met een ootmoedich lijden
Ga naar margenoot+ Uerwont ghy Babyloen
Willen wy met v verblijden
Wy moeten oock also doen
Die verholentheyt is Babels name
Die ooren heeft om te hooren die hoort
Sy is die werelt wel bequame
En op my so seer verstoort
Mijn bruydegom sal noch comen
En werpense inden gront
Hy sal Babylon verdomen
Metten sweerde van synen mont.
Sout ghy niet willen swijghen
Bruyt dochter van Syoen
Ick sal v wel doen nijghen
Al waert ghy noch so coen
Ick ben van Saturnus gheslachte
Den onnooselen doen ick ongherief
Ick verandere den dach in nachte
Met Antichrist mijn lief.
Ick ben verheuen totten hemel
Bouen alle Coninghen rijck
Ga naar margenoot+ Ick sitte op eenen kemel
| |
[pagina 251]
| |
Die den draecke is ghelijck
Ghelijck eenen vorsch opt water
So is mijn beest ouer tvolck regent
Urou bruyt hout uwen snater
Of ghy wort van Antechrist gheschent.
Ghy en derft v niet berommen
Uan ws bruydegoms groote macht
Waer siet ghyse na hem drommen
Hy is seer cleyne gheacht Ga naar margenoot+
En ick hebse den wijn gheschoncken
Uan mijn fenijnighe melck
Sy hebben al ghedroncken
Met my wter sonden kelck.
Wy sullen v wel verdrijuen
Wilt ghy onsen wille niet doen
Ick sal v wel doen ontlijuen
Ghy dochter van Syon
Ick sal v wel doen schenden
Uan Antichrist v party.
Die sal het volck verblenden
Met lueghenen en afgodery.
Wie soude my doen laten
Te singhen mijnen bruydegom prijs
Die bouen alle staten
Is rijck, machtich ende wijs
Hy is die leuende God alleene
Sijn beloften sullen wesen waer
Al ben ick nv in weene
Ick verwachte een so blijden nieumaer.
Ontrent die middernachte
Hoorde ick so soeten gheluyt
Staet op weest in de wachte
Ontfanct die bruydegom ende bruyt
Want Babel moet nv vallen
En Antichrist haren boel
En die valsche Propheten alle
In eenen vierighen poel. Ga naar margenoot+
|