Veelderhande gheestelicke liedekens

C Na de wijse. Te Bruynswick staet een hooghe huys.

HOort al te samen bidt ende waect
Want wy na Gods beelde zijn gemaect
U ooghen wilt opheffen
Dat ons den dach des Heeren naect
Moghen wy wt Christus woort beseffen.

Deen volck sal teghen dander opstaen
En den vader sal zijn kint afgaen
En dat kint sal den vader versteken
Ghelijck voor die diluuie elck was belaen
Ueel boosheyts ende veel ghebreken.

Aldus die boosheyt menichfout
Sal hebben spreect Christus in ionck en oudt
Die ouerhant ghenomen
Die liefde wert in veel herten cout

[p. 214]

 

Merct of dit niet en is volcomen

 

 

 

Daer en is gheen liefde ter werelt claer

 

Maer vermaledijnghe en lueghen swaer

 

Oncuysheyt en ouerspel regneren

 

Wy legghen deen sonde op dander eenpaer

 

⁺ Na Ieremias propheteren.

 

 

 

Wat gulsicheyt en wat ouerdaet

 

Wat hooueerdie is in elcken staet

 

In spijse in dranck ende oock in cleeren

 

So wtwendich dat tvolck nv gaet

 

Men kent gheen schamel luyden wt heeren.

 

 

 

Wat doen wy al om deertsche goet

 

Dat in die werelt verrotten moet

 

Of dat die motten sullen eten

 

Of een dief macht comen stelen metter spoet.

 

Daer wy Gods liefde door vergheten.

 

 

 

Wat mach den menschen baten dat

 

Hy heeft (spreect Christus) alder werelt schat

 

Als hy zijn siele soude bederuen

 

Al waert dat ghy duysent weerelden hadt

 

Ten helpt v niet als ghy moet steruen

 

 

 

Christus ginck voor ons tot inden doot

 

Waer helpen wy malcanderen wter noot

 

Al hooren wy Christus leden karmen

 

Daer en is compassie cleyn noch groot

 

Elck keert zijn herte vanden armen.

 

 

 

O Christen menschen wilt v spoen

 

Om die leden Christi bystant te doen

 

Wt liefden wilt die hant toe steken

 

Uan spijse en dranck, van cleeren en schoen

 

Daer sy af zijn in ghebreken.

 

 

 

Want God sal spreken ten oordeel saen

 

Wat ghy in mijnen naem hebt ghedaen

 

Den alderminsten hebt ghegheuen

 

⁺ Dat heb ick altemael ontfaen

 

Coemt ghebenedijde int eewich leuen.

 

 

 

Daer na sal hy spreken schier

+ Ieremias

+ Math.

[p. 215]

 

Gaet vermaledijde int eewighe vier

 

Want ick my noyt en verblijde

 

In eenich ghebreck oft eenich dangier

 

Uersocht ghy my tot gheenen tijde.

 

 

 

Dus wilt hier op ghedachtich zijn

 

Gods woort dat moet warachtich zijn

 

Dus elck zijn herte hier toe keere

 

Wat ghy uwen naesten doet

 

Dat doet ghy God den Heere.