Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. O radt van auontueren.
HOort toe ghy Christen sinnen
En wilt niet zijn beswaert
Alle die Gods woort beminnen Ga naar margenoot+
Hoe ons Ioannes verclaert
Int achste capittel beschreuen
Hoe Iesus smorghens vroech
Ghecomen is inden tempel
Leerende tvolck menich goet exempel
Die Pharizeen haddens spijt ghenoech.
Die Pharizeen quaet van ghedachten
Uoor Iesus op dat pas
Een vrouken dat sy brachten
Die in ouerspel beuonden was
Sy seyden meester dees vrou is beuonden
| |
[pagina 212]
| |
In ouerspel met boosen gheschal
Dus wilt hier vonnisse ouer gheuen
In Moyses wet daer staet gheschreuen
Datmen dusdanighe steenen sal.
Om Iesum tachterhalen
Hebben sy desen list gheleyt
Want hy met soeter talen
Altoos sprack van bermherticheyt
Om Iesum tondersoecken
Of hy soude hebben gheseyt
Datmense soude steenen
Dit was haerlieder meenen
Dat en ware gheen barmherticheyt.
Christus de Heere vol weerden
Die boogh hem neder saen
Ende schreef in der eerden
Wat sy selue hadden misdaen
Sy saghen daer int ronde
Op malcanderen al ghemeen
Hoort wat hen Christus oorconde
Die van v is sonder sonde
Die werpe den eersten steen.
Hier by moghen wy bedieden
Dat een yeghelick wel verstaet
Sijn houeken suyuer sal wieden
Eer hy in eens anders gaet
En wilt gheen vonnisse gheuen
Daer ghy selue in beschuldicht zijt
Want sy saghen daer gheschreuen
Haer misdaet die sy hadden bedreuen
Dwelck ons Deuangelie belijt.
Die Pharizeen ghemeene
Sijn al tsamen wech ghegaen
En lieten daer alleene
Het vrouken voor Christum staen
Christus al sonder sparen
Die vraechde tvrouken saen
| |
[pagina 213]
| |
Waer dat sy waren gheuaren
Al die haer quamen beswaren
Ende haer beschuldicht haen.
Heeft v yemant verdoemt van desen
Heeft Christus dat vrouken gheuraecht
Och niemant Heere ghepresen
Sprack dat vrouken seere versaecht
So en wil ick v niet verdoemen
Sprack tot haer Christus die Heer
En dient gheen vreemde afgoden
Gaet leeft na mijn gheboden
En sondicht voortaen niet meer.
Die bermherticheyt ons Heeren
Moghen wy hier by verstaen
Elck die hem wil bekeeren
Al is hy met sonden belaen
Wilt hy voort duechdelick leuen
Hy wert met Christus beurijt
Maer en wilt gheen oordeel gheuen
Daer een ander om soude sneuen
Op dat ghy oock niet gheoordeelt en zijt.
|
|