Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Adieu schoon Ianneken.
HOort al te gaere, int openbaere
Na Christus woort, en volgt hem naer
Elck dat bewaere, geseyt int claere
Strijt vromelick al sonder vaer
Want Christus spreect int openbaer
Ga naar margenoot+ Ick ben die dore die open staet
By mijnen Uaere, een middelaere
Ga naar margenoot+ Coemt al tot desen Aduocaet.
Sydi beladen, wilt v beraden
| |
[pagina 185]
| |
Met Christo want hy is goedertier
Hy sal versaden, ende niet versmaden
Als ghy begheert van hem ghenade schier
Ghelijck hy met barmherticheyt hier
Uergaf den Moordenaer al zijn misdaet Ga naar margenoot+
Hy staet elck in staden, vol ghenaden
Coemt al tot desen Aduocaet. Ga naar margenoot+
Magdalena vol rouwen, wil dit onthouwen Ga naar margenoot+
Ootmoedelick is sy voor Christum gheghaen
Met vast betrouwen, sonder verflouwen
Sijn voeten wasschende met menighen traen
Seer neerstich met haren hayr te dwaen
Dies sy daer wies dat Goddelick saet
Haer wert ontbonden, den last van sonden
Compt al tot desen Aduocaet.
Gheen ander afgoden, na menschen gheboden
En heeft dat vrouken van Cananeen begeert
Maer is geuloden, tot den Coninck der Ioden Ga naar margenoot+
Uolherdich voor Christum den Heere weert
O heere ghy weet wel wat my deert
Mijn dochter beseten is vanden vyant quaet
Hy was haer gedachtich, door tgelooue crachtich
Coemt al tot desen Aduocaet.
Wilt dit versinnen, die wil ghewinnen
Gods eewich rijcke seer excelent
Wilt duecht beghinnen, Christum beminnen
Wt ganscher herten diligent
Al en hebdy ghelt noch gheen paeyment Ga naar margenoot+
Coemt coopt om niet, spreeckt die Heer verstaet
Gheen ander hoecken, en wilt versoecken
Compt al tot desen Aduocaet.
Elck wilt ontknoopen, zijn sondige hoopen
Uoor Christum hy sal v wel ontlaen
Waer wildy loopen, oft elders coopen
Als Christus v begheert te ontfaen
| |
[pagina 186]
| |
Hy spreeckt coemt alle die daer zijt belaen
Mattheus int elfste dat gheschreuen staet
Wilt van hem niet scheyden, laet v niet verleyden
Ga naar margenoot+ Compt al tot desen aduocaet.
Ga naar margenoot+ Hy is de wech verheuen, waerheyt en leuen
Ga naar margenoot+ Hy is der schapen rechte duer
Hy heeft zijn leuen, voor haer ghegheuen
Ghegaen is hy als een goet herder vuer
Hy heeft ghebroken den sterken muer
Tusschen ons ende den helschen vyant quaet
Dus alle ghemeene, groot ende cleene
Ga naar margenoot+ Compt al tot desen Aduocaet.
|
|