Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Alle vogelkens ghebruycken haer natuer.
HOe arch so is smenschen herte
In Ieremias siet
Ga naar margenoot+ Uol qualen en vol smerte
Ist niet een groot verdriet
Men cans gronderen niet
Uan allen duechden berooft
Maer salich is die gene die inden Heere gelooft
Die Heere sach vander hoochden
Oft daer niet was egheen
Die na den goeden vraechden
Maer daer en wasser oock niet een
Sy en waren int gheween
In sonden was haer ghedachten
Maer salich is die gene die op den Heere verwachten.
Sy waren al af gheweken
Ghereet om te doen quaet
O nature vol ghebreken
Siet doch hoet met v staet
Neempt hier op een beraet
In sonden sydy ghecnoopt
Maer salich is de gene die inden Heere hoopt.
Fenijn was onder haer tonghe
| |
[pagina 187]
| |
Haer kele een open graf
Haren ganck vol onghesonden
Dits claerder dan den dach
Dits dat natuere vermach
Wat segghen wy hier toe nv
Och salich maect hem, Heere die hem verlaet op v.
O Heere alder Heeren
Ontfermt v schepsel cranck
En willet renoueren
Al ist in duechden swanck
In v is alle macht
So daer gheschreuen staet
Dat hy sal salich wesen die hem op v verlaet.
Maer die dit liedeken dichte
God gheue haer gracie en spoet
Te cmoen totten lichte
Gods gheest in haren moet
Sy en wunst gheen ander goet
Sy denckt so menichfout
Hoe salich is die gene die in den Heere betrout
|
|