Veelderhande gheestelicke liedekens

C Na de wijse. Een ridder en een Meysken ionck.

HOe wonderlick zijn de wercken Gods
Onbegrijpelick zijn zijn weghen
Hy leyt ter hellen en weder wt
Hy can slaen en ghenesen.

Seer onbekent is den vernuft.
Der godlicker saken

[p. 184]

 

Maer inden Heere set v gherust

 

Hy weet so wel te maken.

 

 

 

Aenroept den Heere in uwen noot

 

In hem wilt v begheuen

 

Hy is alleen die daer slaet doot

 

En weder brenghet dleuen.

 

 

 

Int oordeel en zijt niet ghereet

 

Int doemen en wilt niet raken

 

Want dat de Heere ghebroken heeft

 

Dat can hy weder maken.

 

 

 

Seer dom so is des menschen sin

 

Heel ydel is zijn hantieren

 

Maer laet den Heere v sorghe zin

 

Hy salt so wel regieren.

 

 

 

Betrout den Heere al datter leeft

 

Neemt hope tot eender eruen

 

Want so seer als hy gheslaghen heeft

 

So can hy weder saluen.

 

 

 

Ghelooft dat daer gheschreuen is

 

Uerstaghet tuwer leere

 

Dat by den mensche onmoghelick is

 

Is moghelick by den Heere.

 

 

 

Het was een vrouken van wesen slecht

 

Die Heere was haer verbeyden

 

Alleen aen hem houdt sy haer recht

 

Daer en wiltse oock niet af scheyden.