Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. O radt van auontueren.
HOort na Paulus ghewaghen
Hy doet ons een schoon vermaen
Dat in de laetste daghen
Seer sorghelick sal gaen
Periculoos so wert den tijt
Dus mach elck wel neerstelick toe sien
Dat hem Sathan niet en verbijt
Door zijn subtijlheyt en valsch bedien.
Uan dese laetste tijden Ga naar margenoot+
Spreect opentlick Gods gheest
Datter sullen af glijden
Uan tghelooue minst en meest
Aenhanghende de gheesten boos
En de leeringhe des duyuels stout
| |
[pagina 182]
| |
Die door gheueynstheyt listich loos
Lieghen sullen seer meenichfout.
Ga naar margenoot+ Oock sullen sy verbieden
Te trouwen vaet dit bediet
En niet laten gheschieden
Datmen nutten sal sonder verdriet
Spijse die God gheschapen heeft
En door zijn gratie daer toe bereyt
Om nutten die hy tghelooue gheeft
Met bedinghe en met danckbaerheyt.
Ga naar margenoot+ Daer sullender oock wesen
Die veel van haer seluen hoen
En gheerne zijn ghepresen
Ghierich, stout, listeraers coen
Haer ouders onghehoorsaem me
Houeerdich ende schenders wreet
Niet vriendelick, maer vol onure
Oncuysch, verraders wijt en breet.
Ga naar margenoot+ Stuer, spijtich, obgheblasen
Wildt ongheestelick en ondanckbaer
Niet sachtmoedich, die wel asen
Haren buyck, neerstich eenpaer
Want sy beminnen meer dan Godt
De wellusten hebben eenen schijn
Uan een Gods leuen door vremt rabodt
Maer zijn cracht sy versakende zijn.
Wacht v van sulcken hoopen
Doet Paulus voort ghewach
Ga naar margenoot+ Uan dese zijnt die door loopen
De huysen nacht ende dach
En leyden de vroukens gheuaen
Die met veel sonden zijn beswaert
En gheleyt worden qualick beraen
In veel begheerten blijuende veruaert.
Altijts dees menschen leeren
Ga naar margenoot+ En sy en comen nemmermeer
Tot die kennis ons Heeren
| |
[pagina 183]
| |
Door dese valsche leer
Maer ghelijck Moysem wederstonden Ga naar margenoot+
Iannes en Iambres opstinaet
So wederstaen met loose vonden
Gods waerheyt dese leeraers quaet. Ga naar margenoot+
Uan ghebroken sinnen
Sijnt menschen dits openbaer
Die hem seluen beminnen
En tghelooue verwerpen maer
Sy en sullent tot inden ent
Niet connen houden en blijuen staen
Haer dwaesheyt sal worden bekent
En alle menschen sullense versmaen.
Dit en zijn vrij gheen cluchten
Elck neem wel hier op merck
Den boom wort aen zijn vruchten
Bekent, en den mensch aen zijn werck
Elcken boom brenghet voort synen aert
Als men zijn vrucht proeft wort hy bekent
In de gracht vallen sy ghepaert Ga naar margenoot+
Als sy malcanderen leyen beyde blendt.
Orlof elck wil hem wachten Ga naar margenoot+
Uan alle leeraers ghemeen
Die met woorden en crachten
Uerwerpen Christum den steen Ga naar margenoot+
Waer op moet worden ghefondeert Ga naar margenoot+
Want gheen leeringhe en mach wesen goet
Die met Gods woort niet accordeert
Al is sy schoon schijnbaer en soet.
|
|