Veelderhande gheestelicke liedekens

C Na die wijse: O bloeyende iuecht, notabel wijs van sinne.

[p. 156]

 

GHy droeuen geest, wilt wt den slaep ontspringhen

 

Minst ende meest, wilt God nv lof toe singhen

 

Ghy zijt beurijt

 

Uoor tsvyants nijt

 

Uwen verlosser is gheboren

 

Als nv ter tijt

 

⁺ Al van een maecht vercoren

 

Wy waren al verloren.

 

 

 

Tis al volbracht, dat Balam heeft gesproken

 

Op den Kersnacht is den hemel ontloken

 

Een licht seer reyn

 

Int sweerelts pleyn

 

Is ons vanden vader ghecomen

 

Dwelck heeft certeyn

 

Die duysternisse haer macht benomen

 

Dat is tot onser vromen.

 

 

 

Mijn siele geeft lof, den Heere groot gepresen

 

Ghy eertsche stof, ghy zijt nv al ghenesen

 

Weest niet belaen

 

⁺ Met die herders wilt gaen

 

Aenbidt dat kint tot allen stonden

 

In Betlehem saen

 

Leyt Iesus in doecken ghewonden

 

Tis al om onse sonden.

 

 

 

Naer Abrahams wet, so is Christus besneden

 

⁺ Hy heeft verplet, die helle en doot vertreden

 

Wt liefden goet

 

Schanck hy zijn bloet

 

Uoor ons al wt ghenaden

 

Bidt hem in ootmoet

 

Hy en sal v niet versmaden

 

Comt al die zijt beladen.

 

 

 

Ghy Israel loeft nv den Heere der Heeren

 

Doet zijn beuel, wilt v tot hem waert keeren

 

Uan Syon coemt wt

+ Luc.2.

+ Luc.2.

+ Luce.2.

[p. 157]

 

Ghy Christus Bruyt

 

Aensiet v lief hy is so schoone

 

Met een Engels gheluyt

 

Quam hy wt shemels troone

 

Uoor v so is zijn croone.

 

 

 

Prince seer groot, bouen alle Princen verheuen.

 

Uwen gheest minioot, sendt hier ons beneuen

 

Doet ons bystant

 

Seer abondant

 

Dat wy in sonden niet en verstijuen

 

U woort playsant

 

Dat wy te recht moghen beclijuen

 

En altijt volstandich blijuen.