Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijEen ander.
GOdt help my dat ick mach heffen aen
Wat ons Matheus doet verstaen
Uan eender heydenscher vrouwen Ga naar margenoot+
Sy is van Chananeen ghecomen
| |
[pagina 134]
| |
En heeft haer toeulucht tot Christum genomen
Ten heeft haer niet berouwen.
Sy riep Iesus Dauids soon aen
Dat was met rechte wel synen naem
Wt grooter barmherticheden
Sy en heeft terstont gheenen troost ghecregen
Daer om so en heeft sy niet ghesweghen
Haer vast betrouwen dede haer verbeden.
Sy sprack o Heer ontfermt v mijns
Mijn dochter heeft vanden vyant veel gepijns
Wilt my doch ter hulpen comen
Iesus en heeft haer gheen antwoort gegeuen
Nochtans is sy volherdich ghebleuen
Het is na gheschiet tot haerder vromen.
Die dissipelen zijn voor Iesum ghetreden
En hebben al voor dat vrouken ghebeden
Dat sy hem niet na en soude roepen
Iesus sprack verstaet dit wel
Ick ben gesonden tot die schaepkens van Israel
Om die verloren weder omme te soecken.
Dat vrouken is wederom tot Iesum gegaen
En heeft haer ghebet ootmoedich ghedaen
Och Heere comt my te helpen
Mijn sonden zijn my van herten leyt
En toont my v groote barmherticheyt
En wilt mijn quellagie stelpen
Iesus sprack tot dat vrouken saen
Het en waer niet eerlick van my ghedaen
Nv wilt dit wel doergronden
Datmen den kinderen haer broot sal nemen
En den vreemde volcke sal gheuen
En worpent so voor die honden.
Dat vrouken sprack laet my genade geschien
Het is doch dicwils wel meer ghesien
Al aender Heeren tafelen allen
En dat de hondekens etent broot
Dat den Heeren kinderen ouerschoot
| |
[pagina 135]
| |
Die cruymkens die vander Heeren tafel vallen
Iesus sprack tot dat vrouken milt
U gheschiede also ghy selue wilt
Ghy hebt een groot betrouwen
Daeromme so en wilt v niet versaghen
En wilt v misdaet voor Iesum beclaghen
Het en sal v seker niet berouwen.
|
|