Veelderhande gheestelicke liedekens(1558)–Anoniem Veelderhande gheestelicke liedekens– Auteursrechtvrij Vorige Volgende C Na de wijse. Hoort toe ghy ionge gesellen als ghy dat minnen beghint. DEn tijt van onsen iaren Die valt hier cort en cleyn Wy moeten al van hier varen Rijck, arm, ende alle ghemeyn Peyst vry certeyn Dat wy hier bitterheyt besueren Eenen cleynen tijt Ten sal niet langhe dueren. O menschen leert nv steruen En volcht Christum naer Ons vleesch dat moet bederuen Dat segghe ick v voorwaer Hier om certeyn [pagina 95] [p. 95] Uermaent dit uwe ghebueren Dit lijen is cleyn Ten sal niet langhe dueren. Tot lijen zijn wy gheboren Onderworpen alle ghewelt Alle Gods wtuercoren So ons die Schriftuere spelt Uerdraecht vry die v quelt Nv ende in allen vren Uwen tijt is ghestelt Ten sal niet langhe duren. En latet v niet verdrieten Al valt v darmoe swaer Den tijt sullen wy ghenieten En comen in zijn glory claer Want God is ons vaer Waerom willen wy dan trueren Het is ons leste iaer Ten sal niet langhe dueren. Gods volcken hier beneden Wert nv te rechte bekent Daer Christus voor heeft ghebeden En ons beurijt vant helsch serpent Die ons nv present Int vier der armoen wilt pueren Maer ons lijden ent Ten sal niet langhe dueren. O God al van hier bouen Die God alder Goden zijt Men wilt v woort niet gheloouen Nv noch te gheender tijt Daerom subijt Sluyten sy ons tusschen mueren Tis eenen cleynen tijt Ten sal niet langhe dueren Prince Christus onsen broeder Die voor ons sorghe draecht [pagina 96] [p. 96] Ghy zijt ons alder behoeder Wie isser die nv claecht So dat v behaecht Hebt ghy ons willen stueren Al zijn wy hier gheplaecht Ten sal niet eewich dueren. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij