Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Och God van hemels rijcke die onser alder trooster zijt.
BEswaert ben ick van binnen
Mijnen gheest is in grooten noot
Het vleesch wilt my verwinnen
En bringhen mijn siele ter doot
Het bestrijt my bouen maten
Ick en cans niet wederstaen
Die werelt coemt hem ter baten
En die duyuelen die my haten
Ende daghelicx my omme gaen.
Dese wachten van vren tot vren
Oft sy tot eenigher stont
Mijn siele mochten verschuren
Ende werpen inder hellen gront
Die mijn vrient behoorde te zijne
Dat is mijnen meesten viant
Dwelck is mijn vleesch ten fijne
En brengt my gheheel te ruijne
Ick en cans ontuluchten aen gheenen cant.
Wilde tvleesch met my eens wesen
So en soude ick de werelt niet een haer
Noch duyuelen niet vreesen
Al maken sy groot misbaer
Maer nv ist mijn meeste partye
En doet mijnen gheest meest lijdens aen
Die werelt oock tot allen tye
En den duyuel met grooten nye
Hout my in zijn ghewelt gheuaen.
Maer Heere ghy hebt selue gesproken
Ga naar margenoot+ Een rijcke dat ghedeelt sou zijn
Ga naar margenoot+ Dat dat sal werden ghebroken
Ga naar margenoot+ Uan zijn vianden in corten termijn
| |
[pagina 59]
| |
Dus en weet ick my troosten o Heere
Ghy hebt anders gheenen troost gheseyt
Dan die verwinnen met snellen keere
Ghelijck ghy verwonnen hebt seere
Dien hebt ghy bereyt v salicheyt.
Dus en weet ick nv wat bedrijuen
Ick ben gheheel crachteloos
Ick moet gheheel tonder blijuen
Ick en weet gheen hulpe altoos
Wilt ghy o Heere ghepresen
My selue nv niet bystaen
Ende den verwinder wesen
Uan mijn vianden midts desen
Hoe sal ick haren handen ontgaen.
Want daer en is o Heere vol weerden
Die bouen al crachtich zijt
Niemant so machtich opter eerden
Die v wederstaen can teenigher tijt
Want ghy connet al tonder bringhen
Door v woort, dwelck seer crachtich is Ga naar margenoot+
Want alle gheschapen dinghen
Uan vreesen voor v op springhen
Door uwen voys die seer machtich is.
|
|