Veelderhande gheestelicke liedekens

C Na den voys. Bloeyende iuecht.

BEpeynst ende beseft
Ghy edel Christen siele
Dat ghy altijt verheft
Al in des werelts wiele
Den Prince van uwer salicheyt
⁺ Die tot v coemt so Zacharias seyt
Ootmoedich in allen saken
Om voor ons te strijden is hy bereyt
Eewich blijft den stoel zijnder Maiesteyt

+ Sach.9.

[p. 57]

 

Wilt vroech al om hem waken. ⁺

 

 

 

Hy wilt in alder stont

 

Om ons te helpen pooghen

 

Sijn oordeel en verbont

 

En machmen niet verdroogen

 

Hy en wilt de doot der sondaren niet

 

Maer dat hy hem keere, so ons scriftuer bediet

 

Tot hem, van zijnen weghe ⁺

 

Want den geueynsden naket groot verdriet

 

Den nederen helpt hy wt den stoffe siet

 

Twaer scha datment versweghe. ⁺

 

 

 

Siet ick ben de Heere v God

 

Uan allen vleessche coene ⁺

 

Mach my yet int slot

 

Te swaer zijn te doene

 

Ick wil v vergheuen v boosheyt obstinaet

 

Keerdy tot my, en v leuen afgaet ⁺

 

Dit spreect die Heere der Heeren

 

Belijdy v sonden, so en werdy niet versmaet

 

Ghy wert metten wijn der salicheyt versaet

 

Wildy tot my bekeeren. ⁺

 

 

 

Roept nv met Israel

 

Heere God aenhoort mijn bede

 

Opent ons seer snel

 

Die fonteyne die haer toe dede

 

Door Adams ouertreden seer boos

 

Doen de liefde Gods in hem veruroos

 

Opent weder die conduyten

 

Uan uwer ghenaden die ons eens vercoos

 

Wilt doch dijn cracht ouer mijn menscheyt broos

 

In deser tijt ontsluyten.

 

 

 

Prince wilt ontfaen

 

My in v gracie puere

 

En wilt doch niet versmaen

 

U selfs creatuere

 

Al ben ick door mijn sonden verneert

 

Door uwen naem seer gheapprobeert

+ Pro.8

+ Eze.33

+ Psal.113.

+ Exo.20

+ Esa.48

+ Esa.45.

[p. 58]

 

So wilt my wederom ghenesen

 

Al heb ick v gheboden seer gheuioleert

 

Door v barmherticheyt gheexalteert

 

Uerlost my Heere ghepresen.