Veelderhande gheestelicke liedekens
(1558)–Anoniem Veelderhande gheestelicke liedekens–
Auteursrechtvrij
[pagina 40]
| |
Waer sou ick my onthouden
Waer ick Gods woorden quijt
Nv spreeck ick als die bouden
Al wordet van veel benijt
Sijn woort blijft eewelick sonder ophouden
Dies heeft mijn herte iolijt.
Nv laet ons eens ghedincken
Wat ons van hem is gheschiet
Die ons zijnen sone ginc schincken
En verloste ons gans om niet
Ga naar margenoot+ Ghy hadt moeten verdrincken
Ende danssen na Pharaoos liet
Al wil v die werelt crincken
Sonder hem zijn sy als niet.
Ga naar margenoot+ Niemant en mach ons deeren
Is nv met ons die Heer
Sijn woorden willen wy leeren
En schouwen der menschen leer
Ga naar margenoot+ Een licht dat wy begheeren
En worpen wy niet daer neer
Maer settent hooghe op met eeren
Om datment sou achten te meer.
Al wil v de werelt dwinghen
En dreyghen met groot ghewelt
Wilt den Heere altijt lof singhen
Want v hayren zijn al ghetelt
Niemant en mach verdringhen
Een bloemken wt dat velt
Ten is by Gods ghehinghen
Aldus heeft hijt ghestelt.
Dus Prince en wilt niet beuen
Als ghy lijdt om sheeren woort
Wie vrolick in Christo wil leuen
Die moet veruolch hebben dit hoort
Als Paulus heeft beschreuen
Uerblijt v in des Heeren woort
Wat mach v die werelt gheuen
| |
[pagina 41]
| |
Als v siel in sonden versmoort.
|
|