Veelderhande schrifturelijke leysenen ende gheestelijcke liedekens alle menschen tot devotie verweckende

Een nieu Liedeken, Op de Wijse: van Pauien.

DEn geest is gewilich maer t'vleesch is cranck
Dat mach ick wel beclaghen
Want ick heb alle mijn leven lanck
Aen de wereldt ionst ghedraghen
Ick en weet niet wat ick sal bestaen
Ick vinde my vol ghebreken
Ick heb haer soo menighen dienst ghedaen
Door haer wellustighe treken.

Vande werelt en can ick my niet besnijden
Natuere en wilt dat niet ghedooghen
Vreucht en solaes doet my verblijden
D'aenschouwen met mijn ooghen
Venus kinderen houden my in bedwanck,
Om dat ick ben onghebonden
Gheen vreucht en dunckt my wesen lanck
Jonckheydt treckt my altijdts tot sonden.

De kennisse die ick hadde ontfaen
Heb ick inder aerden begraven
Ghelijck den quaden knecht heeft ghedaen,
Ende ben gheworden der sonden slaven
Ick diende de wereldt om haer eer,
Dat wordt my nu mispresen
O Vader ick en ben niet weerdich meer
Dat ick u Sone sal wesen.

De werelt hebt ghy in u ghewelt
Haer macht hebt ghy ghenomen

[p. 107]

 

Met haer ben ick so seer ghequelt

 

Ick en can van haer niet comen

 

Sy is in my ende ick in haer

 

Alleen hebt ghyse verwonnen

 

O Heere den strijdt valt my swaer

 

Want ick en hebs noyt begonnen.

 

 

 

O Heere mijn gheest een wapen begheert

 

Al om die wereldt te bestrijden,

 

U Goddelijck woort tot een vierich sweert,

 

Scherp wesende aen alle sijden,

 

Een vast gheloove tot eenen Schilt

 

Ende haer verwonnen als ghy wilt

 

Soo waer ick gans ghenesen.

 

 

 

Prince der Princen, nu staet my by

 

Dat ick victorie mach verwerven

 

Dese dry vijanden bestormen my,

 

Mijn Siele willen sy bederven

 

De werelt, den duyvel onbevreest

 

Ende mijn eyghen lichaem mede

 

Sijn altijdt rebel teghen den gheest,

 

Dus is mijn Siele t'onvreden.

 

 

 

Die dit Liekeken heeft gheordieneert

 

Sijn hert dat was bedwonghen

 

Sijn sinnekens zijn ghecorumpeert

 

Wt fantazijen heeft hy ghesonghen

 

De werelt en can hy niet wederstaen

 

Bidt voor hem t'allen tijden

 

Dat hy die rechte kennis mach ontfaen

 

Al soude hy daer om lijden.