Veelderhande schrifturelijke leysenen ende gheestelijcke liedekens alle menschen tot devotie verweckende

Een gheestlijck Liedeken: Op de wijse. Meysken vvat heeft u den rocken ghedaen.

O Menschen wat heeft u Christus ghedaen,
Dat ghy hem niet en wilt kennen
Hy wil u alsoo vriendelijck ontfaen
Wt broederlijcker minnen
Hy wilt u schencken zijn Rijck certeyn,
Ende maken u alle sijn goet ghemeyn
O menschen wilt hier op sinnen.

Dat Rijck en is van deser werelt niet,
Dat ons die Heere wilt gheven
Al lijdt dat vleesch druck, lijden, verdriet
Die siele comt daer door int leven,
Ja wie druck lijden can wel verstaen,
Hy sal door lijden in vruchden gaen,
Als Paulus heeft beschreven.

Pharao had vercreghen die macht
Dat onnoosel bloede te drincken
Om dat zijt Babilonische Rijck niet en acht
Dat cortelijck moest versincken,
Wie volstandich blijven tot inder doot
Die sal zijn des Bruydegoms ghenoot
O Menschen wilt hier op dincken.

Alle die Christum volghen naer
De werelt sal hem haten
Men vint int Evangelie claer,
O Menschen wilt die werelt verlaten
Nu siet ghy mannen wat ghy doet
Dat ghy niet en stort d'waerachtich bloet
Ten soude u siele niet baten.

Die ons dit Liedeken eerst werf sanck
Hy hevet wel ghesonghen
Hy hevet ghesonghen uyt liefden bedwanck
In spijt der verraders tonghen,
Hy bid dat elck zijn beste doet

[p. 47]

 

Soo macht hy comen aen dat eeuwich goedt

 

Dat ons is toe ghedronghen.

 

 

 

Dient Godt vier uren alle daghe

 

Dry uren neemt: voetsel t'uwer behaghe,

 

Slaept seven uren oft cont ghy min

 

Dan sorcht acht uren om u ghewin,

 

Twee uren mooght ghy verscherpen den sin

 

Wilt dus den tijdt smadelijck kiesen

 

Soo en sult ghy siele noch tijdt verliesen.