Veelderhande schrifturelijke leysenen ende gheestelijcke liedekens alle menschen tot devotie verweckende

[O Suyver maecht van Israel]

O Suyver maecht van Israel,
Wilt u verblijden nu
Om der schoonder bootschap
Die ick u brenghe nu.
Benedicta tu in mulieribus
Vala sus, Vala sus,
Aue gratia plena tecum Dominus,
Benedicta tu in mulieribus.

Al metter bootschap schoone
Die d'Enghel heeft ghedaen
Hebt ghy van s'Hemels throone
Door den heylighen Geest ontfaen.        Benedicta.

Als Joseph dat verstonde
Dat Maria was bevrucht
Hy peysde in sijnen gronde
Hem waert beter ghevlucht.        Benedicta.

Dies hem den Enghel schoone
Toe sprack ende riet
Joseph Davids Sone
En wilt begheven niet.        Benedicta.

Noch en ontsietse niet te nemen
De moeder Godts Marijen.

[p. 18]

 

Dat van haer wert gheboren

 

Sal ons van sonden vrijen.        Benedicta.

 

 

 

Maria en Joseph mede

 

Voeren beyde te samen

 

Tot Bethleem inde stede snoot

 

Daer sy haer herberghe namen.        Benedicta.

 

 

 

In een arm huysekijn

 

Al sonder weghen oft deuren

 

Om dat sy waren van haven bloot

 

Moest hem alsoo ghebeuren.        Benedicta.

 

 

 

Alst quam ter rechter middernacht

 

Soo heeft die maecht ghebaert,

 

Een kindeken van grooter macht

 

Als ons den Enghel verclaert.        Benedicta.

 

 

 

Doen baerde die suyverlijcke,

 

Den Heere ghebenedijdt

 

Van Hemel en Aertrijcke

 

Lof sy haer tot alder tijdt.        Benedicta.

 

 

 

Doen sanck met blijden gheschalle

 

Joseph Alelluya ende die Enghelen alle

 

In excelsis gloria,

 

Et in terra pax hominibus

 

Vala su vala sus

 

Swijghet soete Jesus

 

Ghy sijt ons Dominus

 

Et in terra pax Ominibus.

 

 

 

De herderkens op den velde

 

By hare Schapen laghen

 

Met eender claerheyt snelle

 

Die Enghelen dat sy saghen.        Et in terra.

 

 

 

Met grooter benautheden

 

Wierden sy bevaen

 

Den Enghel tot hen seyde

 

Laet u ghedachten staen.        Et in terra.

 

 

 

En gaet tot Bethleem binnen

 

Daer sult ghy nu terstonden.

[p. 19]

 

Jesus Christu gheboren vinden,

 

In doecxkens ghewonden.        Et in terra.

 

 

 

Daer vonden sy dat kindekijn

 

Gheleydt in eender Cribben

 

Van hoy was zijn beddeken

 

Hy en wout anders niet hebben.        Et in terra.

 

 

 

Tkindeken was na Moyses Wet

 

Ten achtsten daghe besneden

 

Over midts zijn groote oodtmoedicheyt

 

In zijn ionghe leden.        Et in terra.

 

 

 

Den naem die hem den Enghel gaf,

 

Eer dat kindt gheboren was,

 

Die werdt hem daer ghegheven

 

Jesus men seker las.        Et in terra.

 

 

 

Nu laet ons loven desen heere

 

Die ghenaemt is Jesus

 

Sullen wy hem, hij wient soo seere

 

Ende sy singhen aldus.        Et in terra.

 

 

 

Te Deum Laudamus vala sus

 

Vala sus swijghet Jesus,

 

Ghy zijt ons Dominus.        Te Deum Laudamus.