Veelderhande schriftuerlijcke liedekens

198. Na die wijse. Een Venus dierken dat heb ick wtuercoren.

SChiet wt den droome alle ghy Christen leden
En wilt al inden gheest opstaen ⁺
Want Cristus heeft den Uader voor ons gebeden
Alle die zijn woort int herte ontfaen
Dus wilt v van deser weerelt ontslaen
Al wort ghy ghehaet in alle contrey ⁺
Den boom van tleuen//staet schoon verheuen
In desen lustelijcken coelen Mey.

Die Mey staet schoone met sinen bladen
Elck vogelken looft den Heere met allen schoon
Die boomkens hebben haer vruchten geladen
Alle vruchten die staen nv en haeren saysoen
Soo behooren alle Christenen leden te doen
En brenghen oueruloedighe vruchten voort
In haer herte verblyen//in druck in lyen
En stryden met dat God Goddelijck woort.

In vruechden der liefden wilt openbaren ⁺
Weest alsoo een licht der weerelt wijt
In vruechden wilt leuen na Paulus verclaren ⁺
Schout alle boosheyt in deser tijt ⁺
Salich is hy die Gods woort belijt
Die sal zijn als eenen bloeyende wijngaert ranck ⁺
Alle mensche gheboden//sal God wt roden
Die van sinen Uader niet en zijn gheplant. ⁺

En laet v vander weerelt niet meer becoren

+ Ioan.xvij.

+ Matth.x.xxiiij.

+ Eph.vi.

+ Matth.v.

+ i.Tess.v.

+ Matth.x.

+ Matt.xv.

[fol. Z6r]

 

Blijft toch volstantich wat ghy doet

 

Die wt God den Uader nv is gheboren

 

Die en sullen niet achten eenich teghenspoet

 

Als is die weerelt op haer verwoet

 

Die liefde bloeyt in dat herte reyn

 

God begheert die vruchten//dat die sondaren suchten

 

Al voor haer sonden groot ende cleyn

 

 

 

Den oppersten Prinche willen wy louen en dancken

 

Die ons als schaepkens hier heeft ghesent ⁺

 

God is den wijnstock wy zijn die rancken ⁺

 

Alle die in Iesum Christum zijn gheendt

 

Salich is hy die Gods woort recht kent

 

En daer na leeft in rust en in vre

 

Sijn vruchten vergaren//door smeys verclaren

 

Alsoo doen alle Christenen me.

+ Mat.x.

+ Ioan.xv.