Veelderhande schriftuerlijcke liedekens (ca. 1552-1554)

Veelderhande schriftuerlijcke liedekens

(ca. 1552-1554)–Anoniem Veelderhande schriftuerlijcke liedekens– rechtenstatus

Auteursrechtvrij

Vorige Volgende


199. Na die wijse. Maect nv iolijt//in desen blijden tijt. TIs nv schier al Ueruult ons broeders ghetal Hoort doch mijn bly gheschal Och broeders wtuercoren Uan die daer smal Ligghen hoort mijn verhal Onder d outaer int dal Dus laet ons vruecht oorboren Laet ons haer volghen vry sonder vaer Ga naar margenoot+ Op dat wy ons moghen comen by haer aldaer Al onbedoruen Noyt mensch en sach//alsulcken blyden dach Ic singt sonder geclach//als si hebben verworuen. Prijst God den vaer Ghy Christen allegaer Want haer is nv voorwaer Die onsterffelicheyt ghegheuen Nv sal die schaer Ga naar margenoot+
[Folio Z6v]
Met grooter blijschap claer Ga naar margenoot+ Worden ghecroont aldaer En met Christo eewich leuen Eylaes haer pijn die is nv al ghedaen Nv sullen si int eewich leuen gaen Ga naar margenoot+ Want die doot es vers[l]onnen Noyt menschen en sach, alsulcken blyden dach Ic singt sonder gheclach//als si hebben gewonnen. Gheen droefheyt saen En sullen si meer ontfaen Aenhoort doch mijn vermaen Maer met Christo domineren Sy sullen staen Op Syons berch plaen Als Esdras heeft gheraen Ga naar margenoot+ Gheenen druck en sal haer meer deren Ga naar margenoot+ Sy sullen dancken en louen den Heer Met soete Psalmen en Liedekens seer En met blyde sanghen Noyt menschen en sach//alsulcken blyden dach Ic singt sonder geclach//als si hebben ontfangen. Ick seg die croon Is haer bereyt seer schoon Ga naar margenoot+ Al van des hemels throon Singt ghy nv Christen scharen Sy hebben tloon Nv weder van Gods soon Als Godt ons heeft ontboen En laten verclaren Sy hebben palmrieten ontfaen En blinckende cleederen aenghedaen Ga naar margenoot+ Sy en sullen niet meer weenen Ga naar margenoot+ Noyt menschen sach//alsulcken blyden dach Ick singt sonder gheclach//als Godt haer gaet verleenen. Lof si den Heer Want hi huer begheer Uolbracht heeft dus seer
[Folio Z7r]
Daer si na hadden verlanghen Want om Gods leer Lieten si faem en eer Want si en wouden hier niet meer De weerelt aenhanghen Daer om zijn si dus seer versmaet En zijn ghedoot met bitteren haet Sonder beweghen Noyt mensch en sach//alsulcken blyden dach Ick singt sonder geclach//als si hebben vercregen. Eert Godt altijt Gods kinderen hier int crijt Want die offer is met vlijt Inden hemel ghecomen Danckt sonder respijt Gods naem ghebenedijt Want hy heeftse nv beurijt En den doot van haer ghenomen Sy hebben behouden tghelooue seer soet Ga naar margenoot+ Nv is haer bereyt dat leuen goet Als die schrift gaet leeren Noyt mensch en sach//alsulcken blyden dach Ick singt sonder geclach//als si nv triumpheren. Bruyloften siet Sijn Tamsterdam gheschiet Ick singt sonder verdriet Want dat mael dat is ghehouwen Nv singhen si tnieuwe liet Als Ioannes ons bediet Ga naar margenoot+ Wy en connent leeren niet En latet ons niet rouwen Wy willen woeckeren ouer al Op dat doch nv ons broeders ghetal Ueruult mach wesen Noyt mensch en sach//alsulcken blyden dach Ick singt sonder gheclach//als in haer is geresen Twoort wort certeijn
[Folio Z7v]
Met bloet beseghelt pleyn Uan God ons Prinche reyn Dus wiltet niet verachten Dat edel greyn Wort nv betuycht alleyn Ick segt v al ghemeyn Dus wilt Gods rijck verwachten Die hem bereyt, die sal dan me in gaen Siet dat ghy hem verbeyt, op dat ghy me moecht staen Ga naar margenoot+ Seer schoon verheuen Noyt mensch en sach//alsulcken blyden dach Ick singt sonder gheclach//als die dan met God sal leuen.	margenoot+ Apo.vi. margenoot+ [iiij].Es.ij. margenoot+ Apo.vij. margenoot+ i.Cor.xv. margenoot+ Apo.xiiij. margenoot+ [iiij].Es.ij. margenoot+ [ij].Ti.iiij. margenoot+ [iiij].Es.ij. margenoot+ Apoc.vij. margenoot+ [ij.Tim.]iiij. margenoot+ Ap.[xiiij.]. margenoot+ Mat.xxv.

Vorige Volgende

Over dit hoofdstuk/artikel

lied

Naar de Nederlandse Liederenbank