Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij197. Na die wijse. Ick hoor die blasoene blasen.SIet en smaect en wilt Gods cracht beseffen
Die na zijn beelde gescapen zijt
Wilt v swaermoedich hooft op heffen
Waect op want
tis nv meer dan tijt
Ga naar margenoot+
En hoort toe alle gader
Nae een blyde maer playsant
Die God den hemelschen Uader
Door Christum ons eenich berader
Uan bouen heeft neder ghesant
Hier in dit eertsche lant.
Ghy ouden Adam ghy moet steruen
Uerloren hebt ghy v eerste rijck
U overtreden dede v dat verweruen
Ghy zijt eertsch
al vander eerden slijck
Ga naar margenoot+
Den nieuwen Adam is ghecomen
Hemelsch den
Heere selfs dit ghelooft
Ga naar margenoot+
Den ouden Adam heeft hy benomen
Sijn cracht, ende als den vromen
Uertreden der slanghen hooft
En al haer macht berooft.
Den waren Noach is comen bouwen
Sijn Arcke, den inganck en es niet wijt
Trect tot hem
met een vast betrouwen
Ga naar margenoot+
Ghy wert van allen drue en noot beurijt
Ghy moet treden sonder sneuen
| |
[Folio Z5r]
| |
In dees arcke wilt ghy ontgaen
Den straf, want daer en es ghegeuen
Gheen salicheyt, dan die met Noe leuen
In die arcke, nae Petrus vermaen
Wilt dit voorbeelt wel verstaen.
Den waren Isaac ghepresen
Is ghecomen, zijn offer heeft hy ghedaen
Uerworpen es
Esaus rouwe wesen
Ga naar margenoot+
Iacob die heeft
den zeghen ontfaen
Uan Silo is ghecomen wilt hooren
Den Hertoghe soot was vermelt
Iuda heeft sinen septer verloren
Ontwaect en merct ghy wtuercoren
Den dach is nv bestelt
Die een yeghelijck nv ghelt.
O Israel en leeft niet meer soo banghe
Uerladighet v met hemels
broot
Ga naar margenoot+
Siet aen de
metalen Slanghe
Ga naar margenoot+
Sy heelt v van den bete en doot
Wilt oock vanden water drincken
Dwelck springt
wt Christum den steen
Ga naar margenoot+
Aenschout sonder vermincken
Die druyue die v God wil schincken
Sy coempt wt beloofde lant reen
Costelijcker en vintmen gheen.
Israel wilt met neersticheyt treden
Door die enghe
poorte int beloofde lant
Ga naar margenoot+
Daer toe
sterck ons die Gods des vreden
Ga naar margenoot+
En leyde ons met zijn stercke hant
Roept voor Iericho sonder trueren
Dwelcke Babilon is bekent
Huer macht die sal heel schueren
Uallen sullen oock haer mueren
Quaet is haer fondament
Haest soo sal comen haer ent.
Den ghesalfden Coninck en Heere
Is ghecomen, Saul heeft verloren zijn
croon
| |
[Folio Z5v]
| |
Golias is berooft van zijn eere
Met zijn selfs sweert gaf Dauid hem sinen loon
Die Philisteen moeten wijcken
Wt dat beloofde lant fijn
Des Lams macht
en sal niet beswijcken
Ga naar margenoot+
Uerwinnen salt alle rijcken
En verlossen wt alle ghepijn
Die in hem gheloouende zijn.
|
|