Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio N4v]
| |
Daerom moet ick ten strijde wtgaen
Strijden sonder versaghen
Helpt my vernielen desen duyuel saen
Die als een Leeu gaet om zijn behaghen
Alle
daghen.
Ga naar margenoot+
Die lusten en die begheerten quaet
Die hebben my ghedaen groot ouerdaet
Dat ick viel totter helle
O Heere hadt ghy my niet omuaet
Soo had ick vergaen seer snelle
Met ghequelle.
Den wech is enghe ende smal
Soo wy dat
lesen ouer al
Ga naar margenoot+
Die daer leyt
totten leuen
Ga naar margenoot+
Schict v daer toe
al in dit dal
Tstaet Lucas dertien gheschreuen
Sonder sneuen.
Maer hoort wat zeyt ons Christus claer
Wie
dat my wilt volghen naer
Ga naar margenoot+
En zijn leuen
wilt behouden
Ga naar margenoot+
Wie dat
verliesen sal hier en daer
Ga naar margenoot+
Dat wort hem wel vergouden
Soo wy houden.
O Heere ghy zijt minen troost altoos
Sterct my o Godt want ick ben broos
En wilt my nv ontfermen
Helpt my verwinnen den vyant loos
U liefde laet in my verwermen
Hoort mijn kermen.
Nv wapent my Heere als een vroom man
Dat ick verwinne met strijden dan
Teghen die ongherechticheden
Doet my den
helm der salicheyt an
Ga naar margenoot+
Gheeft my den gheest des vreden
Na v seden.
Heft op mijn hooft mijn Heere reen
Ghy zijt mijn
toevlucht en minen steen
Ga naar margenoot+
| |
[Folio N5r]
| |
Een leuende fonteyne
Op v staet alle mijn hope alleen
U moetmen louen int ghemeyne
Groot en
cleyne.
Ga naar margenoot+
Glorie si Godt den Uader schoon
Die daer sidt in shemes throon
Ghebenedijt moet hy wesen
Dat hy ons
sant sinen eenighen soon
Ga naar margenoot+
Door zijn wonden zijn wy ghenesen
Soo wy lesen.
En vreest v niet o Ierusalem teer
Uan tribulatie oft van valsche leer
Godt sal v ruste gheuen
Onderhout zijn woort soo lancx soo meer
Ghy sult comen int eewich leuen
Hy salt v gheuen.
Als Israel in die woestijne lach
Sy hadden soo menighen droeuen dach
Eer si te ruste quamen
Alsoo
moetmen nv met veel gheclach
Ga naar margenoot+
Lijden om Christus namen
En hem des niet schamen.
Nv bidt den Heere excellent
Dat hy mach
stryden tot inden endt
Die dit liet heeft ghesonghen
O Godt uwen gheest al in hem prent
Dat hy mach spreken met nieuwen tonghen
Onbedwonghen.
Ga naar margenoot+
|
|