Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij107. Na die wijse. Rijck Godt wie sal ick claghen.ICk hoorde een maechdeken singhen
Met alsoo schoonen gheluyt
My docht aen alle haer dinghen
Dat het was der Cantiken bruyt
Met grooter neerstichede
Prees si haren bruydegom schoon
Sy seyde ghy zijt mijn vrede
Mijn troost mijn toeuerlaet mijn croon.
Als Antecrist dat verhoorde
Die dochter van Babels boel
Seer dat hy hem verstoorde
En zijn hert dat wert hem coel
Wilt daer af sprack hy swijghen
Ghy dochter van Syon
| |
[Folio N2v]
| |
En voor ons stuypen en nijghen
Wy sullen v wel vrientschap doen.
Ick en sal hem niet laten
Mijn alderliefste lief
Om al v hooghe staten
Hy heeft om my gheleden ongherief
Hy is mijn vruecht mijn leuen
Daer alle mijn hope op staet
Ick en sal hem niet begheuen
Uliet van my met uwen valsschen raet.
Babel die sprack verbolghen
Tot Antecrist haren vrient
Nv laet ons haer veruolghen
Om dat si ons niet en dient
Ueriaghen, vermoorden, verbranden
Leuendich aen eenen staeck
Alle die brenghen te schanden
De leeringhe van onsen draeck.
Ick en ontsie gheen dreeghen
Ghy dochter van Babel moy
Al v gheplacte
weghen
Ga naar margenoot+
Met quaden calck
sonder stroy
Al condt ghy soo wel callen
Sy en sullen niet blyuen staen
Al v plaesteringhe sal af vallen
Door mijns bruydegoms soet vermaen.
Hoe condt ghy hem beminnen
Die v soo magherlijck hout
Ghy hebt seer arme sinnen
Aensiet mijn costelijck gout
Peerlen en
dierbaer steenen
Ga naar margenoot+
Mijn cleet schaerlaken root
Wie mach my vercleenen
Mijn boel helpt my wt alder noot.
Al ben ick nv versteken
Uan uwen boel en van dy
My en sal niet ghebreken
| |
[Folio N3r]
| |
Blijf ick mijn lief altijt by
Hy can my troosten ende stercken
In lijden ende verdriet
Wonderlijck zijn
alle zijn wercken
Ga naar margenoot+
Hy en verlaet de sine niet.
Contrarie machmen aenschouwen
Aen Coninghen en Princen fijn
Die my sonder berouwen
Dienen midts dat si den wijn
Met my hebben
ghedroncken
Ga naar margenoot+
Wt mijn gulden drinckuat reen
En si doodense die op my proncken
Waer verloster uwen bruydegom een.
Dat en mach al niet schaden
Maer duecht doetmen haer daer me
Want si worden ontladen
Uan druck, en si trecken in vre
En diet doen sullent noch wel weten
Als si vallen
van haren stoel
Ga naar margenoot+
En met v sullen zijn gheseten
Inden helschen
vierighen poel.
Ga naar margenoot+
Urou bruyt hout uwen snater
En swijcht ons van sulcken vermaen
Oft den draeck
die sal van water
Ga naar margenoot+
Eenen vloet na v schieten saen
En v daer in versmooren
Ghy en sulles niet ontulien
En wildy na ons niet hooren
Wy sullen v wel bespien.
Ghy en sult my niet doen beuen
Met al v dreyghen quaet
Mijn lief heeft my ghegheuen
Teghen v seer goeden raet
Twee vederen om
te vlieghen
Ga naar margenoot+
In die wildernisse breet
Ghy en condt niet doen dan lieghen
Hindernisse quaet en leet.
| |
[Folio N3v]
| |
Sy sullent noch wel becoopen
Die ons ontuloghen zijn
Wy hebben noch
groote hoopen
Ga naar margenoot+
Die ons dienen met heylighen schijn
Wy sullense wel achter halen
Die ons meynen te ontgaen
Ick segt v sonder dralen
Men salse noch leuende braen.
Dochter van Babel coene
Ghy zijt
toornich ende gram
Ga naar margenoot+
Het is wel van
uwen doene
Ga naar margenoot+
Te strijden teghen dat Lam
Maer ghy en sulles niet vernielen
Al waerdy noch soo fier
Maer slechts bijten in die hielen
En ghy sult trecken in dat helsche vier.
|
|