Veelderhande schriftuerlijcke liedekens

83. Na die wijse. Verhuecht cleyn hoopken alle ghelijcke.

HEt zijn nv de veruaerlijcke daghen
Daer ons schriftuere af heeft voorseyt
Eenen droeuen tijt wel om te beclaghen
Het sal noch worden deerlijck beschreyt

[fol. K7r]

 

Want daer worter veel verleijt

 

Na dat vier der eewicheyt.

 

 

 

Wy waerschouwen ende seggent v te voren

 

Met sanghe doen wijt v vermaen

 

Wildy na ons waerschouwinghe niet hooren

 

Soo suldy in v sonden vergaen

 

Godt de Heer die sal v slaen ⁺

 

Als hy Sodoma heeft ghedaen.

 

 

 

Hier om ghy Broeders altesamen

 

Die nv als Paulus zijt bedacht

 

En wilt v Deuangelium niet schamen ⁺

 

Maer spreeckt daer af dach ende nacht

 

Daer staet het is Gods cracht

 

Wiet versmaeyt, of wiet veracht.

 

 

 

Al zijt ghy om die waerheyt verschouen

 

En wilt daerom van Godt niet vlien

 

Wort ghi veracht van die weerelt daer en bouen

 

Blyschap sal v hier na gheschien

 

Godt heuet soo voorsien

 

Dat die sine hier moeten lien.

 

 

 

Het is wel noot dat Gods dienaren

 

Ter weerelt zijn ghepersequeert

 

Hoe hebben die Propheten al gheuaren

 

Die Gods woort hebben ghedeclareert

 

Sy zijn al ghemartiliseert

 

Uanden boosen ghemineert.

 

 

 

Abel inden eersten beghinnen

 

Om dat hy was goet en oprecht

 

Sijnen Broeder die hem behoorde te minnen

 

Die haette hem soo Genesis secht ⁺

 

Hy nam teghen hem gheuecht

 

Hy sloech hem doot als een boos knecht.

 

 

 

Men sach die Propheet Helias verdrucken

 

Hy en wiste nau waer loopen noch gaen ⁺

 

Dat deden die onuerstandighe bucken

 

Die altijt teghen die waerheyt staen

 

Sy sullen van dat Godlijck graen

+ Gene.

+ Rom.i.

+ Ge.i.ij.

+ Regum.

[fol. K7v]

 

Na haer wercken loon ontfaen.

 

 

 

Daer isser van die waerheyt by duysten

 

Ghedoot niemant en ghincker vry

 

Christus Iesus die si selue cruysten ⁺

 

Dat deden die schriftgheleerden fy

 

Laet ons Christum blyuen by

 

Wy en zijn niet beter dan hy.

+ Matth.xxvij.