Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio K6r]
| |
Godt can ons wel ghenesen
Uoor den onwetenden ist dat ic bidden moet
Al die mijn veruolghers wesen.
Alleen zijn si op my verbolghen
Om dat ick op Christum staen
Daerom willen si my veruolghen
Ick en weet waer henen gaen
Al souden si my ter doot toe braen
Die schriftuere die sal ick lesen
O Heere wilt haer ten besten beraen
Al die mijn veruolghers wesen.
Als ick sadt in die taueerne
Daermen niet dan boosheyt en brout
Doen saghen si my seer gheerne
Wijf en kint liet ick benout
Dit hebben si langhe wel aenschout
Sy en straften my noyt van desen
O Heere v gratie op haerlieden dout
Al die mijn veruolghers wesen.
Egipten moet ick laten
Sy hebben mijns leuens beroempt
Gaen dolen mijnder straten
En verbeyden den dach die coempt
Wie Christum volghen wil ombeschroompt
Wort vander weerelt begresen
O Heere en laetse doch niet verdoempt
Al die mijn veruolghers wesen.
Al ist dat si begheeren
Mijn bloet seer onueruaert
Wie sal mi moghen deeren
Als ghy my o Heere bewaert
U heylich woort heb ick verclaert
Dwelck si my verbieden te lesen
O Heere en laetse toch niet beswaert
Al die mijn veruolghers wesen.
Doen ick ouerspel hanteerde
En leefde na des duyuels raet
| |
[Folio K6v]
| |
Int hoeren huys verkeerde
Daer men alle duechden versmaet
Doen ick loonde quaet met quaet
Die weerelt heeft my ghepresen
O Heere vergheeft haerlieden misdaet
Al die mijn veruolghers wesen.
Doen ick schriftuere ghinck versinnen
O mijn Heere ghebenedijt
Wy moeten die weerelt verwinnen
Souden wy comen daer ghy zijt
Ick wil gaen laten des weerelts iolijt
Al sou ick van haer worden becnesen
O Heere schelt haerlieden boosheyt quijt
Al die mijn veruolghers wesen.
Cleyn vergaderinge wilt vromelijck strijden
Blijft
volstantich tot in dat ent
Ga naar margenoot+
Uwen
Hertooch heeft moeten lijden
Ga naar margenoot+
Totter doot was
hy in torment
Ga naar margenoot+
Dat deden die
schriftgheleerden blent
Die de
waerheyt hebben verwesen
Ga naar margenoot+
O Heere bewaertse toch ongheschent
Al die mijn veruolghers wesen.
Prince Godt wilt ons verstercken
Door v goetheyt o Heere ient
Dat wy v mogen behagen in woorden in wercken
En vreesen oock gheen torment
Al sou het lichaem worden gheschent
Als v licht is in ons gheresen
O Heere maeckt haer uwen wille bekent
Al die mijn veruolghers wesen.
|
|