Veelderhande schriftuerlijcke liedekens


81. Na die wijse. Het passeerde een aerdich Medecijn. HOort toe nv lieue Christen ghemeijn Wilt niet mistroostich wesen Ons is gheboren een kindeken cleijn Ga naar margenoot+ Waer duer wi zijn ghenesen Een maghet heeft ontfangen ghebaret eenen soon Emanuel is sinen naem int themels troon Ghenoempt int clare Want hy heeft vertreden tfeninich serpent Dat den mensche had gheschent Met desen nieuwen Iare.
[Folio K5v]
Wt den schoot zijns vaders is hy gedaelt Naer schrifs oorconden En heeft daer allen onse schulden betaelt En ghenesen onse wonden Daer is een roeyken wt Esay op ghestaen Een spruyt wt zijnder wortel saen Int openbare Hy is gheboren wt Dauidts gheslacht Door zijn goddelijcke cracht Met desen nieuwen Iare. Een sterre wt Iacop is opghegaen Die den wijsen al gheleyden Die herderkens hebben die boetschap ontfaen Dies si al met bescheyden Ghecomen zijn en hebben tkint daer aenghebeen Het welck voor ons allen is besneen Uoor een blyde mare Dus worpt nv wech den ouden Adam quaet Met alle sinen raet Met desen nieuwen Iare. Nv hout altijt aen Christus woort Ghy Christen gronden Dwelck vlees gheworden is rechte voort Naer Iohannes soet vermonden Schout alle valsche Propheten fel Die v willen wysen hier of el Tsi veer oft naere Blijft vast in Christus woort gheplant Dwelck ons den Uader sant Met desen nieuwen Iare.	margenoot+ Luce.ij.